Казахстаны аюулгүй байдлын албаны тусгай ажиллагаа тус улсын түүхэн дэх хамгийн их хар тамхи хураан авчээ. Бүгд найрамдах улсын Үндэсний аюулгүй байдлын хорооноос (ҮАБЗ) мэдээлснээр Алматы хотод 13 тонн /13,183 кг/ гаруй жинтэй кокаины багцыг саатуулсан байна.
Үндэсний аюулгүй байдлын хорооноос хар тамхины олон улсын хилээр нэвтрүүлдэг сувгийг устгах олон үе шаттай ажиллагааны үеэр энэ их хэмжээний хар тамхи илрүүлж, хураан авчээ. Тус газрын мэдээлснээр гэмт этгээдүүд ачааг Казахстаны нутаг дэвсгэрээр дамжин гуравдагч улс руу тээвэрлэхээр төлөвлөж байжээ.
Хар тамхины наймаа зохион байгуулсан байж болзошгүй гадаадын хоёр иргэнийг саатуулан мөрдөн шалгах ажлыг эхлүүлсэн гэж аsia-today.news мэдээлсэн байна. 
Энэхүү ажиллагаа нь үндэстэн дамнасан хар тамхины гэмт хэрэгтэй тэмцэх хамгийн амжилттай ажиллагааны нэг болсон гэдгийг хэвлэлийн мэдээнд дурджээ.

Эх сурвалж: polit.mn