Оросоос Казахстанаар дамжин Хятад руу шинэ хийн хоолой тавих яриа хэлэлцээ үргэлжилж байгаа ч одоогоор төсөл хэлэлцүүлгийн шатандаа байна. Энэ тухай Казахстаны Ерөнхий сайдын нэгдүгээр орлогч Роман Скляр Владивостокт болсон Дорнын эдийн засгийн чуулга уулзалтын үеэр мэдэгдсэн байна.

Склярын хэлснээр, Орос, Казахстан төдийгүй Хятадын талтай уялдаа холбоотой ажиллах шаардлагатай дэд бүтцийн цогц санаачилгын тухай ярьж байна. Энэ асуудал дээр нэлээд удаан яригдаж байна. Энэ бол нарийн төвөгтэй төсөл, зөвхөн Казахстан, Оросоос хамаарахгүй. Хэд хэдэн асуудлаар хэлэлцээр амжилттай болно гэдэгт бид бүгд найдаж байна гэсэн байна.

Үүний зэрэгцээ одоо байгаа маршрутын дагуу тээвэрлэлт тогтвортой байгааг Шадар сайд онцолжээ. Түүнчлэн Казахстаны “Дружба” хоолойгоор дамжуулан Германд газрын тос нийлүүлэх нь мөн тогтвортой хэвээр байна. 2025 онд хэмжээ нь 1.5 сая тонн давна гэж Скляр хэлсэн байна.

Эх сурвалж: polit.mn