Их Британийн цагдаа нар Палестиныг дэмжиж, Палестины байгууллагыг хориглохыг эсэргүүцсэн жагсаалын үеэр 400 орчим хүнийг баривчилсан тухай Ройтерс агентлаг мэдээлсэн байна.

Жагсаалын үеэр дэмжигчдийг баривчилсан нь Палестиныг дэмжигч бүлэглэлийг  тус улсын Засгийн газраас террорист байгууллага хэмээн хориглосноос хойшхи хамгийн сүүлийн тохиолдол байв. Есдүгээр сарын 6-нд Лондон хотын төв хэсэгт байрлах парламентын ордны гадаа олон зуун жагсагчид цугларч, хоригийг эсэргүүцсэн байна. Цагдаа нар ажилтнууддаа халдсан, тус улсад хориотой бүлэглэлийг дэмжсэн зэрэг олон төрлийн гэмт хэргийн үндэслэлээр хүмүүсийг баривчилсан гэж мэдэгдэв.

Долдугаар сард Палестины  байгууллагын зарим гишүүн Британийн Агаарын цэргийн хүчний баазад нэвтэрч, цэргийн нисэх онгоцонд гэмтэл учруулсны дараа Их Британи терроризмын эсрэг хуулийн дагуу Палестины байгууллагын үйл ажиллагааг хориглосон юм.

Хүний эрхийн байгууллагууд Их Британийн шийдвэрт шүүмжлэлтэй хандаж байгаа билээ. Түүнчлэн тайван жагсагчдын үзэл бодлоо илэрхийлэх эрх чөлөөг хязгаарлаж байна гэж үзэж байгаа талаар Ройтерс мэдээлсэн байна.

Эх сурвалж: polit.mn