Т.САЙХАН

Бохайн тэнгисийн эргийн эдийн засгийн төв Хятадын хойд бүсийн олон улсын тээврийн гол зангилаа боомт бол Тяньжин юм.  Тяньжин хотыг “Бохайн тэнгисийн сувд” гэж нэрлэх бий.  Хоёр мянга гаруй жилийн түүхтэй Тяньжин хот XIX зууны дунд үеэс үйлдвэр,худалдааны боомт хот болж хөгжсөнөөр хойд Хятадын санхүү, эдийн засаг, худалдаа, бизнесийн хамгийн том төв нь болжээ.

Анх Алтан улс,  Юань гүрний үед Жигү хэмээн нэрлэж байгаад Минь улсын эхэн үед Тянжин гэж нэрлэх болжээ.    Эдийн засгийн онцлох үзүүлэлтүүд нь манган, борын хүдэр, алт, вольфрам, молибдэн, зэс, цайр, төмөр зэрэг ашигт малтмалын нөөцтэй.  Мөн газрын тосны дөрвөн тэрбум тонн нөөцтэй гэжээ.  Аж үйлдвэрийн голлох салбар нь агаарын тээвэр, сансарын техник, автомашин үйлдвэрлэл юм.  Түүнчлэн Тяньжин боомт нь дэлхийн хамгийн том, хятадын хамгийн том хиймэл гүний усан боомт юм.

 Тяньжинь нь түүх соёлын дөч гаруй дурсгалт газруудтай юм. Түүний дотор буддын шашны Дулө сүм мянга гаруй жилийн түүхтэй. Тяньжин хотын түүхийн дурсгалт газрууд болон музей, үзэсгэлэнд нийтдээ 53 мянга шахам түүхийн ховор нандин бүтээлүүд, эд өлгийн зүйлс хадгалагдаж байна. Тяньжин хот нь өөрийн үндэсний өвөрмөц дүр төрх бүхий байшин барилга, гудамж талбайтайгаас гадна англи, герман, франц, орос, грекийн эртний сонгодог загварын байшин барилга ихтэй. Европ загварын энэхүү барилгуудыг “Бяцхан европ” гэж нэрлэдэг байна. 

Тяньжин хот энэ өдрүүдэд дэлхийн удирдагч нарын хөлд дарагдаж, хөл хөдөлгөөн ихтэй байна.  ШХАБ-ын дээд хэмжээний уулзалт эдгээр өдрүүдэд болж байна.   Ерөнхийлөгч У.Хүрэлсүх зочид төлөөлөгчдийн хамт хүрэлцэн ирж дээд хэмжээний уулзалтад оролцож байна.  ШХАБ нь 2001 онд Хятад, Орос, Казахстан, Киргиз, Тажикистан, Узбекистан зэрэг улсуудын оролцоотойгоор байгуулагдсан.

Тус байгууллага нь анх хил, нутаг дэвсгэрийн маргаан шийдвэрлэх, харилцан итгэлцлийг бэхжүүлэх зорилготой яриа хэлэлцээний  механизм байсан бөгөөд хожим олон улсын бус нутгийн байгууллага болон өргөжсөн билээ.

Эх сурвалж:www.polit.mn