Ардчилсан намын ҮБХ-ны хорооны ээлжит хурал болж, намын даргын санал хураалт эхэлсэн. Санал хураалтын дүн гарч, нийт 314 гишүүнээс 196 гишүүн О.Цогтгэрэлийг дэмжсэн байна. Харин нэр дэвшигч Б.Пүрэвдорж 82, Ж.Баярмаа 33, Б.Отгонбаяр гурван хүний санал тус тус авчээ. Эхний удаагийн санал хураалтын өмнө нэр дэвшигчдээс 10 хувийн босго давсан нэр дэвшигчид дараагийн шатны санал хураалтад оролцоно гэж байсан. Гэвч Б.Пүрэвдорж, Ж.Баярмаа нар дараагийн шатны санал хураалтаас нэрээ татаж, Ардчилсан намын дүрмийн дагуу нийт гишүүдийн 50 хувиас дээш саналыг авсан учир О.Цогтгэрэлийг намын даргаар сонгогдсонд тооцов. Тус намын дүрмийн дагуу Намын их хурал одоо Төрийн ордонд хуралдаж шинэ даргаа батламжилна.
Бүү үзэгд!!!