БНХАУ-ын Гадаад хэргийн яаманд энэ наймдугаар сарын 27-ны өдөр Шанхайн хамтын ажиллагааны байгууллагын Ерөнхий нарийн бичгийн дарга Нурлан Ермекбаев, БНХАУ-ын Гадаад хэргийн сайдын туслах Лю Бин нар уулзав. Уулзалтаар Тяньжин хотноо болохШХАБ-ын дээд хэмжээний уулзалтын бэлтгэл ажил, тус байгууллагын хөгжлийн цаг үеийн асуудлаар өргөн хүрээнд санал солилцсон бйна. 

ШХАБ-ын Ерөнхий нарийн бичгийн дарга Хятадын тал тус байгууллагыг 2024-2025 онд даргалах хугацаанд хийсэн асар их ажлыг өндрөөр үнэлж, Тяньжиний дээд хэмжээний уулзалт амжилттай, аль болох үр дүнтэй болно гэдэгт итгэлтэй байгаагаа илэрхийлэв. Түүнчлэн 2026 онд ШХАБ-ын 25 жилийн ойг тэмдэглэх арга хэмжээний саналыг мөн хэлэлцсан байна.

Лю Бин хэлэхдээ, Хятад улсыг ШХАБ-ыг даргалахад идэвхтэй дэмжлэг үзүүлж байгаад Ерөнхий нарийн бичгийн даргад талархал илэрхийлж, Нарийн бичгийн дарга нарын газрын үйл ажиллагааг цаашид дэмжинэ гэдгээ мэдэгдсэн байна. 

Эх сурвалж: polit.mn