БНХАУ-аас ОХУ-д суугаа Элчин сайд Жан Ханхуй хэлэхдээ, Шанхайн хамтын ажиллагааны байгууллагын (ШХАБ) Тяньжин хотноо удахгүй болох дээд хэмжээний уулзалт нь тус холбооны түүхэн дэх хамгийн том уулзалт болно гэснийг РИА Новости мэдээллээ. Наймдугаар сарын 31-нээс есдүгээр сарын 1-ний хооронд болох уг арга хэмжээнд ОХУ-ын Ерөнхийлөгч В.Путин тэргүүтэй 20 гаруй төрийн тэргүүн, олон улсын 10 байгууллагын тэргүүн оролцох юм. 

Дипломатч хэлэхдээ, ийм сонирхол нь оролцогч орнуудын хамтын ажиллагаагаа гүнзгийрүүлэх нийтлэг хүлээлтийг илэрхийлж, дэлхийн хамтын нийгэмлэгийн анхаарлыг татаж байна. ШХАБ-ын үүд хаалга шинэ гишүүдэд нээлттэй хэвээр байгаа хэдий ч гишүүдийн тоог нэмэх нь зорилтот ажил биш, харин байгууллагын хөгжлийн жам ёсны үр дүн болсон гэж Жан онцолжээ. 

2024 оны долдугаар сард Беларус улс ШХАБ-ын бүрэн эрхт гишүүн болж, Азербайжан, Армени, Турк зэрэг улстүнш орнуудын жагсаалтад багтсан. 

Монгол Улс нь ШХАБ-ын ажиглагч гэдэг статустай. Тяньжинд болох ШХАБ-ын дээд хэмжээний уулзалтад Монгол Улсын Ерөнхийлөгч У.Хүрэлсүх оролцоно. 

Эх сурвалж: polit.mn