АНУ-ын Ерөнхийлөгч Дональд Трампын үндэсний аюулгүй байдлын зөвлөх асан Жон Болтоныы гэрт Холбооны мөрдөх товчооны ажилтнууд өнгөрсөн баасан гаригт нэгжлэг хийсэн гэж гэж NYP бичжээ. Мөрдөн байцаалтын ажиллагааг үндэсний аюулгүй байдалтай холбоотой томоохон шалгалтын хүрээнд явуулсан. Энэ нь нууцын зэрэглэлтэй баримт бичигтэй холбоотой гэж тэмдэглэсэн байна. Аюулгүй байдлын зөвлөх асантай холбоотой хэргийг хэдэн жилийн өмнө нээсэн боловч Ерөнхийлөгч асан Жо Байдены засаг захиргаа "улс төрийн шалтгаанаар" хэргийг хаасан гэж тус хэвлэл АНУ-ын өндөр албан тушаалтны иш татан мэдээлжээ.

Хэвлэлд мэдээлснээр Болтоныг өмнө нь 2020 онд хэвлэгдсэн номдоо нууцын зэрэглэлтэй мэдээлэл оруулсан гэж буруутгаж байсан. Трамп үндэсний нууцыг агуулсан мэдээлэлтэй гэж хэвлэлтийг нь цуцлуулахаар тэмцэж байжээ. Гэвч одоогийн ерөнхийлөгчийн энэ  оролдлого амжилтгүй болж, Жон Болтоны дурсамж ном 2020 онд худалдаанд гарчээ.  Уг номонд улстөрч АНУ-ын Орос, Украин, Хятад, НАТО-той харилцах харилцааны талаар дэлгэрэнгүй өгүүлж, Трампыг шүүмжилсэн байна.

Жон Болтон нь Дональд Трампыг анх удаа Ерөнхийлөгчөөр сонгогдон бүрэн эрхээ хэрэгжүүлэх үед нь ерөнхийлөгчийн зөвлөхөөр ажиллаж байсан бөгөөд Цагаан ордны тэргүүний санаачилгаар уг албан тушаалаас огцорчээ.

Эх сурвалж: polit.mn