Киргиз улсад махны үнийг төрөөс түр зохицуулахаар шийдвэрийг тус улсын Эдийн засаг, худалдааны яам гаргажэээ. Зохицуулалтыг наймдугаар сарын 11-нээс эхлэн 90 хоногийн хугацаатай хэрэгжүүлэхээр болсон байна. Энэ хугацаанд улсын хэмжээнд үхэр, хурганы махны (ясгүй махнаас бусад) махны дээд үнийг Засгийн газраас тогтооно гэсэн үг аж.
Үндэслэлгүй үнийн өсөлтийг таслан зогсоох, махны хүртээмжийг нэмэгдүүлэх зорилгоор уг арга хэмжээг авсан гэж яамнаас мэдээлснийг Sputnik-Кыргызстан мэдээлжээ. Тогтоосон үнийг дагаж мөрдөх хяналтыг тус улсын Монополийн эсрэг зохицуулалтын алба хариуцаж байгаа гэж мэдээнд дурджээ.
Киргизийн Хөдөө аж ахуйн сайд Бакыт Торобаевын хэлснээр мах экспортлох квотыг мөн түр хугацаагаар зогсоосон байна.
Монгол Улсад махны үнэ ямар байгаа талаар “Зууны мэдээ” сонин сурвалжилж байсан ба энэ тухай https://www.zms.mn/a/102200 унших боломжтой.
Эх сурвалж: polit.mn