БНХАУ болон Төв Азийн орнуудын худалдааны хэмжээ 2020-2024 онд 2.8 дахин нэмэгдэж, 66.2 тэрбум ам.долларт хүрсэн байна. Ийм мэдээллийг Евразийн хөгжлийн банкны тайлангаас иш татан AsiaToday-д мэдээлжээ.

Худалдааны эргэлтийн дийлэнх буюу 60 орчим хувийг тус бүс нутагт нийлүүлж байгаа Хятадын бүтээгдэхүүн эзэлж байгаа нь худалдааны тэнцвэргүй байдал байсаар байгааг харуулж байна гэж тайланд дурджээ. Мөн бүс нутгийн орнуудын гадаад худалдаанд БНХАУ-ын эзлэх хувь нэмэгдэж байна. Тодруулбал,  2020 онд 17.7 байсан бол 2024 онд 24.1%-д хүрсэн нь Төв Азийн эдийн засагт Хятад улсын нөлөө нэмэгдэж байгааг харуулж байна гэсэн байна.

 Төв Азийн орнуудаас Туркменистан нь Хятадаас хамгийн их хамааралтай  байна. Тус улсын гадаад худалдааны нийт эргэлтийн 55 нь хувь нь хятадаас хамаарч байгаа аж. Туркменистан дараа Киргиз, Тажикстан улсууд орж байна.  Хятадтай хийж байгаа худалдаа энэ хоёр орны тухайд нийт гадаад худалдааны 30 гаруй хувийг эзэлдэг байна. Харин Казахстан, Узбекистаны хоёр улсын хувьд гадаад худалдаанд Хятадын эзлэх хувь ойролцоогоор 20-22 хувьтай байна.

Эх сурвалж: polit.mn