ото: Кейт Миддлтон Getty Images/
Уэльсийн гүнж Кейт Миддлтон хорт хавдрыг даван туулж, эдгэрч байгаагаа зарласнаас хойш зургаан сарын дараа тэрээр хэтэрхий жин хаяж турсандаа санаа зовох болсон гэж Radar Online мэдээлжээ.
Уг хэвлэлийн эх сурвалжийн мэдээлснээр 43 настай Уэльсийн гүнж 175 см өндөртэй бөгөөд одоо 10 настай охин Шарлоттоосоо бага жинтэй гэнэ. "Кейт маш туранхай бөгөөд хүмүүс энэ нь хорт хавдрыг эмчлэхэд хүндрэлтэй байгаа эсвэл өвчин дахьсан юм биш биз гэж санаа зовж байгаа" гэж тус сэтгүүлийн эх сурвалж хэлсэн байна. Английн хааны ордны зүгээс түүний биеийн байдлын талаар хараахан тайлбар хийгээгүй байна.
Тус сэтгүүлийн сэтгүүлчид долдугаар сард Уимблдоны тэмцээний үеэр олон нийтийн өмнө гарч ирсэн гүнжийн хэтэрхий турьхан дүр төрх нь үзэгчдийг алмайруулсан гэдгийг тэмдэглэжээ. Хүнд өвчнөөр өвдөөд эдгэрсэн ч гэлээ Кейт хааны гэр бүлийн гишүүний хувьд хийх ёстой үүргээ үргэлжлүүлэн гүйцэтгэхийг хичээдэг гэдгийг хэвлэлүүд мэдээлж ирсэн.
Уэльсийн гүнж Кейт Миддлтон хорт хавдраар өвдсөн бөгөөд 2024 оны есдүгээр сард тэрээр эмчилгээгээ дуусгаж, албан ёсны арга хэмжээнд дахин оролцож эхэлсэн гэдгээ зарлаж байсан билээ.
Эх сурвалж: Polit.mn