Хэлэлцээ болох ордныг тусгай хүчнийхэн хамгаалж байна.  Фото: Риа-Новости

Туркийн Истанбул хотноо ОХУ болон Украйны төлөөлөгчдийн хоёр дахь шатны уулзалт өнөөдөр буюу 2025 оны 6 дугаар сарын 2-ны өдөр болж байна. Хэлэлцээнд оролцох хоёр талын төлөөлөгчид хүрэлцэн ирсэн байна.

Хоёр талын уулзалт болохоос өмнө Украйны төлөөлөгчид Герман, Их Британийн албаны хүмүүстэй уулзаж байр сууриа нэгтгэсэн талаар хэвлэлүүд мэдээлж байна.  

Хэлэлцээ болж байгаа газрын аюулгүй байдалд онцгой анхаарал хандуулж байгаа ба Туркийн тагнуулын албаны дарга хэлэлцээ болох газарт хүрэлцэн ирсэн байна.

Истанбулын уулзалт нь дэлхий нийтийн анхаарлын төвд байгаа сэдэв. Уулзалтын эргэн тойронд болж байгаа үйл явдал, нөхцөл байдалд дэлхийн хэвлэлүүд онцгой анхаарал хандуулж байна. Энэтхэг улсын "India Today"-д хоёр улсын хооронд байгаа санал зөрөлдөөнтэй сэдэв дээр ажиллах нь энэхүү яриа хэлэлцээний зорилго гэсэн бол Их Британийн The Guardian сонин талууд нийтлэг үзэл бодлоос хол хэвээр байгаа гэдгийг тэмдэглэсэн байна.

Эх сурвалж: polit.mn