2000 оны гуравдугаар сарын 26-нд Владимир Путин анх удаа ОХУ-ын ерөнхийлөгчөөр сонгогдож байв.  Түүнээс хойш 25 жил өнгөрч байна. Үүнтэй холбоотойгоор оросын КП хэвлэл оросын ирээдүйн ерөнхийлөгчийн талаар олон нийтийн бага мэдэх баримтуудын тухай ойрын хүмүүсээс нь асуусан байна. Хэвлэлийн асуултад хариулсан хүний нэг нь Оросын ирээдүйн Ерөнхийлөгчийг 13 настай байхад нь анх жүдо-гийн дугуйландаа авч байсан дасгалжуулагч Анатолий Соломонович Рахлины хүү Михайл байсанд гайхах зүйлгүй.  Учир нь жүдоийн дасгалжуулагч Анатолий Рахлин бол оросын ирээдүйн ерөнхийлөгчийн гол зөвлөгчдийн нэг байсан. Төрийн тэргүүний хэлсэн үгэн дотор энэ спортын зарчим философитой холбоотой томьёолол нэг бус удаа ашиглагдаж байсан гэж тус хэвлэл бичжээ.  

Одоо Санкт-Петербургийн жүдо бөхийн холбооны ерөнхийлөгчийн албатай Михаил Рахлинаас Владимир Путины үндсэн зарчмуудын жагсаалтын тухай “Миний аав Анатолий Рахлин шавь нартаа заасан амьдралын зарчмууд бий. Миний бодлоор ерөнхийлөгч Владимир Путины хэрэгжүүлдэг амьдралын зарчмууд бол дараах байдалтай байна" гэсэн байна. Үүнд: Эхнийх нь  "Өөрийнхнөө бүү орхи," хоёр дахь нь "Довтолж байхдаа хамгаалалтаа бүү март. Өөрийгөө хамгаалахдаа довтлох боломжийг эрэлхийл" Гуравдугаарт "Урвалт бол амьдралын хамгийн муу үйлдэл юм",  Дөрөвдүгээрт "Үүгээр зогсохгүй, бүх амьдралынхаа туршид суралц, хөгжүүл, сайжруул". Тавдугаарт: "Амьдралын утга учир бол эх орондоо үйлчлэх явдал юм" гэсэн байна.

Эх сурвалж:polit.mn