К.АНУ

Вьетнам улс 2025 оны дэлхийн аз жаргалын тайланд 2023 оны жагсаалтаас найман байраар ахиж 46 дугаар байрт бичигдлээ. Оксфордын их сургуулийн сайн сайхан байдлын судалгааны төвөөс гуравдугаар сарын 20-нд гаргасан хамгийн сүүлийн тайланд 143 улс орон, нутаг дэвсгэрийг иргэдийн өөрсдийнх нь мэдээлсэн сайн сайхан байдалд үндэслэн эрэмбэлсэн байна.

Вьетнам улс сүүлийн жилүүдэд тогтвортой ахиц дэвшил гаргаснаар 2021 онд 77-д жагсаж байсан бол 2022 онд 65, 2024 онд 54-т орж, мэдэгдэхүйц сайжирч байна. Одоо тус улс Зүүн өмнөд Азидаа Сингапурын ард хоёрдугаарт бичигдэж байна.

Дэлхийн хамгийн аз жаргалтай орноор Финланд найм дахь жилдээ шалгарсан бол Дани, Исланд, Швед удаалжээ.

Түүнчлэн Коста-Рика, Мексик улс анх удаагаа эхний аравт орж иржээ. Тодруулбал, зургаа, аравдугаар байранд бичигджээ.

Харин АНУ 24-т эрэмбэлэгдсэн нь, Аз жаргалын индекст тус улсын  түүхэн дэх хамгийн доод үзүүлэлт болж байна.

Аз жаргалын индескийн хамгийн сүүлд Афганистан Сьерра-Леон, Ливаны дараа бичигдсэн хэвээр байна.

Дэлхийн аз жаргалын тайланг Gallup аналитик фирм болон НҮБ-ын Тогтвортой хөгжлийн шийдлийн сүлжээтэй хамтран эмхэтгэн гаргадаг. Энэхүү чансааг гаргахдаа нийгмийн дэмжлэг, дундаж наслалт, эдийн засгийн тогтвортой байдал, нийгэм дэх эелдэг байдлын түвшин зэрэг хүчин зүйлс дээр үндэслэдэг байна.

Дэлхийн аз жаргалын тайлангийн 2025 оны дүнгээр Монгол Улс 147 орноос 77 дугаарт бичигдсэн нь 2024 оныхтойгоо адилхан байна.

Эх сурвалж: polit.mn