Цаг уур, орчны шинжилгээний газрын даргаар Э.Баттулгыг томилжээ

Нүүр

Геополитик

Цаг уур, орчны шинжилгээний газрын даргаар Э.Баттулгыг томилжээ

2025-03-20

Нийтэлсэн: Админ

1 мин унших

ХУВААЛЦАХ

ЖИРГЭХ

Т.САЙХАН

Засгийн газрын өчигдрийн хуралдаанаар Байгаль орчин, уур амьсгалын өөрчлөлтийн яамны Төрийн нарийн бичгийн дарга Э.Баттулгыг Засгийн газрын хэрэгжүүлэгч агентлаг Цаг уур, орчны шинжилгээний газрын даргаар хоёр жилийн хугацаатай сэлгэн ажиллуулахаар шийдвэрлэлээ. Цаг уур, орчны шинжилгээний ажлын хүртээмж, чанарыг сайжруулах, байгаль орчны судалгаа, мэдээллийн тогтолцоог шинэ шатанд гаргах зорилгоор дээрх шийдвэрийг гаргасан байна.

Засгийн газрын шийдвэрийн дагуу өнөөдөр Э.Баттулга Цаг уур, орчны шинжилгээний газрын даргын үүрэгт ажлаа хүлээн авлаа.

Тус агентлаг нь Нислэгийн цаг уурын төв, Байгаль орчин, хэмжил зүйн төв лаборатори, Ус цаг уур, орчны судалгаа мэдээллийн хүрээлэн гэсэн 3 салбар байгууллага, аймаг, хотын Ус цаг уур, орчны шинжилгээний төвүүд гэсэн 22 харьяа байгууллагатай юм байна.

Цаг уур, орчны шинжилгээний газар нь Монгол орны ус, цаг агаар, уур амьсгал, орчны нөөц, төлөв байдал, чанарт байнгын хяналт шинжилгээ хийж, байгаль, цаг агаарын болзошгүй аюул гамшгаас урьдчилан сэргийлж, нийгэм, эдийн засагт учруулах хохирлыг багасгах, улс орны урт хугацааны тогтвортой хөгжлийг хангах үндсэн чиг үүрэгтэй.

Цаг уур, орчны шинжилгээний газрын даргын албан тушаалын нээлттэй сонгон шалгаруулалтыг зарласан боловч шаардлага хангасан нэр дэвшигчгүйгээс шалтгаалан 2023 оноос хойш тус агентлагийг түр орлон гүйцэтгэгч удирдаж байсан.

Э.Баттулга нь газарзүйч мэргэжилтэй, төрийн албанд 23 жил, үүнээс удирдах албанд 19 жил ажилласан туршлагатай. Сүүлийн таван жилд УИХ-ын Тамгын газрын дэд дарга, Байгаль орчин, аялал жуулчлалын яам, Байгаль орчин, уур амьсгалын өөрчлөлтийн яамны Төрийн нарийн бичгийн даргаар ажиллаж байгаа юм.

Эх сурвалж:www.polit.mn

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв.

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв. 2025.12.25

12 цаг 9 мин

Ө.Шижир гишүүн төрийн бодлогын уялдаа холбоогүй байдлыг шүүмжлэв

Улсын Их Хурлын 2025 оны намрын ээлжит чуулганы өнөөдрийн (2025.12.25) үдээс өмнөх нэгдсэн хуралдаанаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийн хэлэлцэх эсэх хэлэлцүүлэг болсон.

12 цаг 54 мин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

17 цаг 18 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

20 цаг 42 мин