К.АНУ

Гүржийн Тбилиси хотын шүүх Гүржийн ерөнхийлөгч асан Михаил Саакашвилиг төсвийн хөрөнгө шамшигдуулсан хэрэгт буруутгаж, есөн жилийн хорих ял оноолоо. Энэ тухай орон нутгийн телевизийн Mtavari Arkhi суваг 2025 03 12-нд мэдээлсэн байна. Хэвлэлийн мэдээллээр бол экс Ерөнхийлөгчийг 3.2 сая доллар завшсан гэж шүүх үзсэн байна.

Түүнчлэн шүүх М.Саакашвилигийн хамгаалалтын албаны дарга асан Теймураз Жанашиаг буруутай гэж үзсэн ч,  түүнийг  3000 лари (1000 гаруй доллар)-аар торгох шийдвэр гаргажээ.

Өмнө нь Гүржийн парламент Михаил Саакашвилигийн засгийн эрх барьж байх үеийн бүх хар бараан үйлдлүүдийг судлах шийдвэр гаргасан юм. Ирэх саруудад орон нутгийн удирдлагууд түүнийг засгийн эрх барьж байх үед буюу 2003-2012 оны хооронд болсон сэжигтэй үйлдлүүдийг шалгах юм. Эрх баригч “Гүржийн мөрөөдөл” намын нарийн бичгийн дарга Мамука Мдинарадзегийн хэлснээр тусгай комисс нь хаврын чуулганы эхэнд энэ үетэй холбоотой буруутгаж байгаа үйлдлүүдэд  анхаарлаа хандуулан ажиллаж эхэлнэ гэсэн байна.

Эх сурвалж: polit.mn