Б.Баяр

Америкийн ерөнхийлөгч Дональд Трамп тангараг өргөсөн даруйдаа, улс орныхоо худалдааны томоохон түнш Хятад, Канад, Мексик улсуудад татварын шинэ тариф ногдуулахаа мэдэгдсэн. Энэ нь бүх улс оронд хамаатай учраас дэлхийн хамгийн анхаарал татсан, басхүү эдийн засгийн хувьд цочир шийдвэр болсон юм. 

Америкчууд ч өөрсдөө таатай хүлээж аваагүй юм. “Трампын шийдвэрийн дараа бүх барааны үнэ өсөх болно. Өөрөөр хэлбэл, эцсийн дүндээ америкчууд өөрсдөө үүнийхээ төлөөсийг төлнө” гэж сенатын гишүүд нь

мэдэгдсэн. Харин Хятад “Шаардлагатай хариу арга хэмжээ авна” гэж мэдэгдсэн. Канад хариу татвар ногдуулсан. 

Дональд Трампын “Ган, хөнгөн цагааны импортод 25 хувийн шинэ тариф тогтооно” гэсэн дээрх шийдвэрийн дараа Лондоны Металлын биржид зэс болон хөнгөн цагааны үнэ тонн тутамдаа 1.5 хүртэлх хувиар буурсан. Ган үйлдвэрлэлийн үндсэн түүхий эд болох төмрийн хүдрийн үнэ Сингапурын биржид 3.5 хувиар унасан.

Энэ мэтээр бизнес, санхүүгийн зах зээлийг донсолгож, он удаан хугацааны турш өндөр инфляцын дарамтад өртсөн хэрэглэгчдэд тодорхойгүй байдал үүсгэсэн. Экспертүүд “Түүхэн дэх хамгийн тэнэг худалдааны дайн” хэмээсэн. “Энэ тарифын бодлого нь худалдааны дайныг бүр хурцатгана” гэж эдийн засагчид болгоомжилж байсан. Тэгвэл Дональд Трампын тэрхүү импортын татварын тариф тогтоох зарлигууд нь өчигдөр /2025.3.4/-өөс хэрэгжээд эхэллээ.