АНУ-д айлчилсан үр дүнгүй уулзалтын дараа Украины ерөнхиийлөгч В.Зеленский Их Британийг зорьсон. Түүнийг Лондон хотод Ерөнхий сайд Кейр Стармертэй уулзахаар очиход олон мянган хүн алга ташин угтан авсан бөгөөд ерөнхий сайд түүний үйлдлээр бахархаж байгаагаа илэрхийлээд улс орныг нь үргэлжлүүлэн дэмжихээ илэрхийлжээ.

К.Стармер “Гудамжинд олон хүн алга ташин бахархалтайгаар хүлээн авч байгааг сонсч байгаа биз дээ. Та Их Британид бүрэн найдаж болно. Бид тантай, Украины ард түмэнтэй үргэлж хамт байх болно”.

В.Зеленский Английн ард түмний халуун сэтгэл, дэмжлэгт хариу талархал илэрхийлсэн байна.

Уулзалтын дараа Их Британи Киевт 2,26 тэрбум фунт стерлинг буюу 2,84 тэрбум ам.долларын зээлийг цэргийн худалдан авалтад зориулан олгохоо зарласан. Энэ мөнгийг Оросын битүүмжилсэн хөрөнгийн ашгаас олох болно гэсэн байна. В.Зеленский хариу талархал илэрхийлж, "Энэ бол жинхэнэ шударга ёс. Дайныг эхлүүлсэн хүн төлбөрөө төлөх ёстой" гэсэн байна.

Стармер Зеленскийтэй уулзсаныхаа дараа бямба гаригийн орой Трамп болон Францын Ерөнхийлөгч Эммануэль Макронтой ярилцсан гэж Ерөнхий сайдын ажлын албанаас мэдээллээ.