Д.Трампын зарим шийдвэрүүд шүүхэд маргаан дагуулав

2025-01-31
Нийтэлсэн: Админ
 2 мин унших

Базарбямбын НЯМСҮРЭН

 

Ерөнхийлөгч Дональд Трампын засаг захиргаа ажлаа эхлээд арав хонож байгаа ч багагүй үр дүн үзүүлсэн ч эсэргүүцэлтэй тулгараад байна. Д.Трамп АНУ руу хууль бусаар орж ирсэн хүмүүсийг эх оронд нь буцаах ажлыг зоригтойгоор эхлүүлэхийн зэрэгцээ АНУ-ын нутаг дэвсгэрт төрсөн хүүхэд бүрт иргэншил олгодогийг болиулах, хэт том төрийн албыг цомхотгох, ижил хүйстэн, трансжендэрүүдэд онцгойлж хандахгүй байх, нийгмийн бүх төрлийн халамжийг царцааж, шат дараатай бууруулах алхмуудыг авч эхэлжээ. 

Гэвч түүний авч хэрэгжүүлж байгаа эдгээр асуудлуудын зарим нь хууль эрх зүйн хувьд боломжгүй буюу маргаан дэгдээх болсон. АНУ-ын Үндсэн хуулиар тус улсын нутаг дэвсгэрт төрсөн хүн бүр иргэншил авах эрхтэй байдаг. Тиймээс АНУ-д төрсөн хүн бүрт иргэншил олгохыг болиулах нь Үндсэн хуулийн 14 дүгээр заалтыг зөрчиж байгаа гэсэн эсэргүүцэлтэй тулж байгаа юм. Гэвч Д.Трампын зүгээс энэхүү хууль нь зөвхөн тухайн үед байсан боол болон өнгөт арьстнуудад хамааралтай хэмээн мэтгэлцэж байна. Одоогоор Ардчилсан намын зүгээс энэ талаар 20 гаруй мужийн шүүхэд гомдол гаргаад байгаа бөгөөд нэр бүхий хоёр ч мужийн шүүх эл асуудлыг Үндсэн хууль зөрчсөн хэмээн үзээд байгаа. Маргаан дагуулсан эл асуудал цаашид хэрхэн шийдэгдэхийг хэлэх мэдээж одоо эрт юм. Д.Трампын мэдэгдэл Үндсэн хууль зөрчиж байгаа эсэх, Үндсэн хуулийг өөрчлөх үү, үүндээ тулвал Бүгд найрамдах намын хувьд Конгрессийн дэмжлэгийг хүлээх хүч бий юу гээд улс төр нийгмийн томоохон асуудал болж цааш өрнөх нь тодорхой юм.

Мөн АНУ-ын Ерөнхийлөгч Дональд Трампын засаг захиргаа төрийн албаны орон тоог эрс цомхотгох төлөвлөгөөний хүрээнд “Deferred resignation program” хөтөлбөрөө танилцуулж, холбооны засгийн газрын ажилтнуудад ажлаасаа гарсан тохиолдолд найман сарын цалинтай тэнцэх урамшуулал олгох тухай цахим шуудангаар мэдэгджээ.

АНУ-д дунджаар 2.3 сая орчим төрийн албан хаагч ажилладаг аж. Орон тоог цомхотгосноор “ажиллах хүчнийг илүү боловсронгуй, уян хатан” болгоно гэж төрийн албан хаагчдад илгээсэн цахим шууданд дурджээ. Ирэх сарын 6-ныг хүртэл ажилтнуудаас саналыг авч, орон тооны цомхотгол хийхээ албаныхан мэдэгджээ.

Д.Трампын засаг захиргааны томоохон албан тушаалтнуудын томилгоо эхнээсээ үргэлжилж байна. Төрийн нарийн бичгийн дарга Марко Рубио албан ёсоор, аливаа эсэргүүцэлгүйгээр Конгрессоос батламжлан ажлаа эхлүүлсэн бол Эрүүл мэндийн байгууллагын нарийн бичгийн даргаар томилогдох гэж буй бага Роберт Кеннедийг лхагва гарагт Конгрессын хурлаар хэлэлцэв. Эрүүл мэндийн судалгаа, хүнсний аюулгүй байдал, нийгмийн халамжийн хөтөлбөр зэрэг нийгмийн эрүүл мэндийн асуудалд хяналт тавьдаг холбооны засгийн газрын томоохон албан тушаалд томилогдох гэж буй түүнээс сенатын гишүүд олон асуудлаар саналыг нь сонссон байна.  Тухайлбал, Ковид-19 вакцин болон бусад дархлаажуулалтын талаархи өмнөх сэтгэгдлээ тайлбарлахыг хүсчээ. Мөн үр хөндөлтийн талаарх түүний үзэл бодол, АНУ-ын хүнсний үйлдвэрлэлийн талаархи санал бодлыг нь асуусан байна. Тэрээр хүнсэнд агуулагдах химийн нэмэлт бодисуудыг сайтар нягтлан шалгахаа амласан бөгөөд АНУ-ын агентлагууд болон хүнсний үйлдвэрлэлийн санхүүгийн ашиг сонирхлын зөрчлийг арилгахын төлөө ажиллана гэдгээ мэдэгдэв.

Эх сурвалж: “Зууны мэдээ” сонин

2025 ОНЫ НЭГДҮГЭЭР САРЫН 31. БААСАН ГАРАГ. № 20 (7516)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

2 цаг 14 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

18 цаг 29 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

18 цаг 58 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

19 цаг 2 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин