К.АНУ

Лос-Анжелес хотоос хойд зүгт 80 км-ийн зайд орших Хьюз мужид шинэ том түймэр дэгдсэн байна. Гал 38 метр квадрат талбайг хамарсан тухай  Ройтерс агентлаг мэдээлсэн байна. 

Өнгөрсөн лхагва гаригт гарсан түймэр хүчтэй салхи болон хуурайшилт ихтэй байгаагийн улмаас хурдан тархаж эхэлсэн гэж хэвлэлийн мэдээнд тэмдэглэжээ. Шинэ түймэр дэгдсэнтэй холбоотойгоор ойролцоогоор 31 мянган хүнийг аюултай бүсээс нүүлгэн шилжүүлэх шаардлагатай гэж Лос-Анжелес дүүргийн шериф Роберт Луна хэвлэлд ярьсан байна.

Лос Анжелесийн гал түймрийн албаны дарга Энтони Марроне Өмнөд Калифорнид 1100 орчим гал сөнөөгч өндөржүүлсэн бэлэн байдалд байгаа бол Хьюз мужид 4000 гаруй гал сөнөөгч ажиллаж байна гэжээ.

2025 оны нэгдүгээр сарын 7-нд эхэлсэн ой хээрийн түймрийн улмаас Калифорни мужид томоохон байгалийн гамшиг нүүрлээд байна. Аврах албаны мэдээлснээр, 12.3 мянга гаруй барилга аль хэдийн сүйдэж, 24 хүн амь үрэгдэж, 10 хүн сураггүй алга болсон гэж ABC News-ийн мэдээнд дурджээ.

Сүүлийн хэдэн долоо хоногт хууль сахиулах байгууллагууд гал түймрийн шалтгааныг шалгаж, хэд хэдэн хэрэг үүсгэсэн гэдгийг албаны эх сурвалжууд хэвлэлд мэдээлжээ.  Галын шалтгааны талаар томоохон хэвлэлүүд, тухайлбал “Блүүмберг” цахилгааны утас тасарсан байж болзошгүй гэж мэдээлсэн бол “Вашингтон Пост” шинэ жилийн баярын салют буудуулсантай холбоотой байж болзошгүй гэж тэмдэглэжээ.

AccuWeather-ийн ахлах цаг уурч Жонатан Портер хэлэхдээ, түймэр нь АНУ-ын орчин үеийн хамгийн өндөр өртөгтэй гамшгийн нэг болж байна гэсэн байна.

Эх сурвалж: polit.mn