Т.САЙХАН

УИХ-ын дарга Д.Амарбаясгаланд  Сангийн сайд Б.Жавхлан Төсвийн тухай хуульд нэмэлт оруулах тухай төслийг өргөн барьсан. Тус хуулийн төслийг УИХ-ын чуулганы хуралдааны дэгийн тухай хуулийн 33.1 дэх хэсэгт заасны дагуу яаралтай хэлэлцүүлэхээр өргөн мэдүүлсэн юм. УИХ-ын чуулганы нэгдсэн хуралдаанаар уг хуулийн төслийг яаралтай хэлэлцэхийг гишүүд дэмжлээ. Яг одоо Төсвийн байнгын хороог хуралдуулах гэж байна.

Ерөнхийлөгч 2025 оны төсвийн тухай хууль болон хамт өргөн мэдүүлж, УИХ-аас баталсан хууль тогтоомжид арваннэгдүгээр сарын 20-нд бүхэлд нь хориг тавьсан. УИХ хоригийг хүлээн авснаар 2025 оны төсвийн тухай хууль болон хамт баталсан хууль тогтоомжийг хүчингүй болгосон ба үүнтэй холбогдуулан Хууль, тогтоол хүчингүй болсонтой холбогдуулан авах арга хэмжээний тухай УИХ-ын тогтоол баталсан. Уг тогтоолоор 2025 оны төсвийн төслийг 2024 оны арванхоёрдугаар сарын 10-нд УИХ-д өргөн мэдүүлэхийг Засгийн газарт даалгасан юм. 

Төсвийн тухай хуулийн 8 дугаар зүйлийн 8.4 дэх хэсэгт заасан төсвийн цаглаврын дагуу жилийн төсвийн төслийг Засгийн газар есдүгээр сарын 1-ний дотор УИХ-д өргөн мэдүүлэх, УИХ жилийн төсвийн төслийг арьаннэгдүгээр сарын 15-ны дотор батлахаар тус тус заасан. Иймд Төсвийн тухай хуульд “Төсвийн төслийг дахин мэдүүлж, батлах” гэсэн 321 дүгээр зүйлийг нэмж тусгахаар хуулийн төслийг боловсруулж өргөн барьсан. УИХ уг төслийг нь яаралтай хэлэлцэн батлаад дараа нь 2025 оны төсвийн төслийг дахин хэлэлцэх юм.

Эх сурвалж:www.polit.mn