Энэтхэг дэх “Самсунг”-ийн ажилчид ажил хаяв

Нүүр

Дэлхийн улс төр

Энэтхэг дэх “Самсунг”-ийн ажилчид ажил хаяв

2024-09-20

Нийтэлсэн: Админ

1 мин унших

ХУВААЛЦАХ

ЖИРГЭХ

Б.НАНДИН

Өмнөд Солонгосын “Самсунг Электроникс” компанийн 1500 орчим ажилчид Энэтхэгийн Тамил Наду мужид ажил хаялт зарлаад байгаа нь технологийн салбарын үйлдвэрлэлд томоохон саатал үүсгээд байна. Энэхүү ажил хаялт 10 гаруй хоногийн өмнө эхэлсэн ч тодорхой шийдэлд хүрээгүй байгаа юм.

Энэтхэг дэх Самсунгийн хоёр үйлдвэрийн нэг болох Ченнай хотод байрлах тус үйлдвэр нь 2000 орчим ажилчинтай бөгөөд гэр ахуйн цахилгаан хэрэгсэл үйлдвэрлэдэг. 17 жил үйл ажиллагаа явуулж байгаа тус үйлдвэрийн ажилчид шинээр байгуулагдсан үйлдвэрчний эвлэлийг хүлээн зөвшөөрөх, ажилчдын эрх ашгийн төлөө хэлцэл эхлүүлэх шаардлагыг “Самсунг” компанид тавьж байгаа аж. Ажилчдын 90 гаруй хувь нь энэхүү үйлдвэрчний эвлэл ажилчдыг төлөөлөн цалин хангамж, ажлын нөхцөл байдлын талаар нааштай шийдвэр гаргахад төлөөлөх гол байгууллага гэж үзэж байгаа тухай Үйлдвэрчний эвлэлийн төвийн гишүүн А Соундараражан BBC-д ярьжээ. Тэрээр "Ажилчид өөрсдийн шаардлагыг биелүүлэх хүртэл тодорхойгүй хугацаагаар ажил хаяхаар шийдсэн" гэжээ. Ажилчдын хувьд сард дунджаар 25,000 рупи (дунджаар 298 доллар)-гийн цалин авдаг бөгөөд үүнийгээ ирэх гурван жилийн хугацаанд 50 хувиар нэмэгдүүлэхийг шаардаж байгаа аж. Мөн ажлын нөхцөл хүнд, гэр ахуйн цахилгаан барааг 10-15 секундын дотор угсарч дуусгахыг шаарддаг, ажлын байран дээр дарамтлах тохиолдол их гардагийг эсэргүүцжээ.

Харин “Самсунг Электроникс”-ийн удирдлагууд "Бид Ченнай дахь үйлдвэрийн ажилчидтай асуудлыг яаралтай шийдвэрлэхээр ярилцаж эхэлсэн" гэж мэдэгдсэнийг BBC мэдээлжээ.

Эх сурвалж: “Зууны мэдээ” сонин

2024 ОНЫ ЕСДҮГЭЭР САРЫН 20. БААСАН ГАРАГ. № 183 (7427)

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв.

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв. 2025.12.25

5 цаг 12 мин

Ө.Шижир гишүүн төрийн бодлогын уялдаа холбоогүй байдлыг шүүмжлэв

Улсын Их Хурлын 2025 оны намрын ээлжит чуулганы өнөөдрийн (2025.12.25) үдээс өмнөх нэгдсэн хуралдаанаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийн хэлэлцэх эсэх хэлэлцүүлэг болсон.

5 цаг 57 мин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

10 цаг 21 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

13 цаг 45 мин