Ц.МЯГМАРБАЯР
МҮХАҮТ-аас Евро-азийн эдийн засгийн холбоо болон ОХУ-ын “Экспортын төв” групптэй хамтран “ОХУ-аас Монгол Улсад хэрэгжүүлэх олон салбарын бизнес” форум, семинар өчигдөр эхэллээ. Тус форум, семинарт Оросын талаас 45 аж ахуйн нэгж оролцож “Орост үйлдвэрлэв” брэндийн бараа бүтээгдэхүүнээ танилцуулж, бизнес уулзалт үргэлжилж байна.
ОХУ-ын 19 хотын хүнсний бүтээгддэхүүн үйлдвэрлэл, сүү, сүүн бүтээгдэхүүний мах, махан бүтээгдэхүүний чиглэлийн компаниуд манай жижиг дунд аж ахуйн нэгжтэй холбоо тогтоож хамтран ажиллахаар ирсэн байна. Түүнчлэн барилга, хот тохижуулалт, хөдөө аж ахуй бүтээгдэхүүн бордоо, машин механизмын нэр хүндтэй олон компани оролцож байна. Анагаах ухаан, эмийн бүтээгдэхүүн, хиймэл дагуулын холбоо, аж үйлдвэрийн тоног төхөөрөмж нийлүүлэх зорилгоор “Ретинойды” ХХК, “Медкомплекс, “Джи Ти Эи Ти” , “УралАктив” ардын гар урлал, нэхмэл эдлэлийн “Гжель” компаниудын бизнес төлөөлөл оролцож байна.
Орос Украйны дайнтай холбоотойгоор Оросын жижиг дунд бизнес эрхлэгчид Европын зах зээлд бараа бүтээгдэхүүнээ нийлүүлэх хоригт орсон. Тиймээс Монголын бизнес эрхлэгчид, аж ахуйн нэгжээр дамжуулан гурав дагч орон руу бараа бүтээгдэхүүнээ нийлүүлэх, таранзит үйлчилгээ хийх сонирхол их байна. Энэ нь манай бизнес эрхлэгчдэд бас нэг боломж юм. Ялангуяа Монголын компаниар дамжуулан хойд, болон өмөнөд Солонос руу гахайн мах, махан бүтээгдэхүүн экспортлох сонирхол их байна. Энэ үеэр малын түүхий эд, хаягдал дайвар бүтээгдэхүүнийг боловсруулах үйлдвэр байгуулах төслийг хэрэгжүүлэх яриа хэлэлцээр явагдаж буйг зарим оролцогч хэлэв. Хоёр өдөр үргэжлэх уг форумд манай жижиг дунд бизнес эрхлэгчдийн оролцоо бага байгаа нь анзааргдаж байлаа. Оросын чихэр, зайрмаг, гар урлалын жижиг бизнес эрхлэгчид бүтээгдэхүүнээ дэлгэн тавьсан нь сонирхол татаж байв.
