М.ЧИНБИЛЭГ

17 дахь удаагаа зохион байгуулагдаж буй Европын хөлбөмбөгийн аварга шалгаруулах тэмцээн 10 дахь өдрөө үргэлжилж байна.  Герман улсын 10 цэнгэлдэхэд нийт 28 тоглолт болжээ. Та бүхэнд энэхүү тэмцээний хамгийн хамгийнаас хүргэж байна.

Хамгийн их гоол оруулсан баг:

• Нутгийн эзэн баг болох Германы шигшээ баг гурван тоглолтод нийт  найман гоол оруулсан бөгөөд хамгийн их гоолыг хаалгад оруулсан багаар бичигдэж байна.

Хамгийн бага гоол оруулсан баг:

• Франц болон Сербийн шигшээ баг тус бүр хоёр тоглолт хийхэд нэг гоол хийснээр гоолын жагсаалтын сүүлд жагсаж байна.

Хамгийн их гоолын оролдлого хийсэн баг:

• Германы шигшээ баг гурван тоглолтод 57 гоолын оролдлого хийсэн байна.

Хамгийн их гоол оруулсан тоглогч:

• Хамгийн их гоолыг хийсэн тоглогчоор Германы Никлас Фүлкруг  хоёр гоолыг амжилттай хийснээр бичигдэж байна.

Хамгийн залуу тоглогч :

• Испанийн Ламин Ямал 2024 оны 16 нас 338 хоногтой бөгөөд ЕВРО-д оролцсон хамгийн залуу тоглогч юм.

Хамгийн ахмад тоглогч:

• Португалийн хамгаалагч Пепе 41 нас 117 хоногтой. UEFA EURO-ийн шигшээ тэмцээнд оролцсон хамгийн өндөр настай тоглогч гэдгээр тодорч байна.

Хамгийн их хамгаалсан хаалгач:

• Гүрж улсын тамирчин Георгий Мамардашвили нь хоёр тоглолтод 15 бөмбөгийг өөрийн хаалганаас хамгаалсан бөгөөд хамгийн их бөмбөг хамгаалсан хаалгачаар шалгарч байна.

Хамгийн их алдаа хийсэн тоглогч:

• Словени улсын тамирчин Адам Гнезда Черин хоёр тоглолтод 180 минут тоглохдоо есөн удаа алдаа хийжээ.

Хамгийн дээд хурдаар хурдалсан тоглогч:

• Румын шигшээ багийн тамирчин Валентин Михайла 35.8 км/ц хурдалж рекорд тогтоожээ.

Хамгийн их километр зайг талбай дээр туулсан тоглогч:

• Италийн шигшээ багийн тоглогч Николо Барелла нэг тоглолтод 37.04 километрийг талбай дээр туулснаар тус рекордыг эзэмшиж байна.

Эх сурвалж:www.polit.mn