Д.АРИУН

ОХУ нь БНАСАУ-тай зургаадугаар сарын 19-нд хоёр улсын хооронд стратегийн иж бүрэн түншлэлийн хэлэлцээрт гарын үсэг зурсантай холбогдуулан БНСУ-ын Гадаад хэргийн яам тус улсад суугаа ОХУ-ын Элчин сайдыг дуудаж уулзсан байна. Энэ талаар мэдээлсэн РИА Новости агентлагийн мэдээнд дурдсанаар Элчин сайд Георгий Зиновьев тус улсын Гадаад хэргийн яаманд хагас цаг гаруй байсан гэжээ.  

Георгий Зиновьев. Фото ТАСС

ОХУ-ын Ерөнхийлөгч Владимир Путин  Хойд Солонгост хийсэн айлчлалын үеэр тус улсын удирдагч Ким Чен Унтай стратегийн түншлэлийн хэлэлцээрт гарын үсэг зурсан юм. 

Одоогоор Сөүл Киевт шууд цэргийн тусламж үзүүлэхгүй байгаа.  Гэхдээ ОХУ, Хойд Солонгос хоёрын шинэ хамтын ажиллагаа нь  Украйнд зэвсэг нийлүүлэх талаар Өмнөд Солонгосын баримталж байгаа одоогийн байр суурийг өөрчилж болзошгүй нөхцөл байдлыг үүсгэж байгаа ба Сөүл байр сууриа “дахин авч үзнэ” гэж мэдэгдээд байна.

Эх сурвалж: www.polit.mn