П.АМГАЛАН

УИХ-ын чуулганы нэгдсэн хуралдаан /03.21/ 65.3 хувийг ирцтэйгээр эхэллээ.  Үргэжлүүлэн чуулганаар Монгол Улсыг 2021-2025 онд хөгжүүлэх таван жилийн үндсэн чиглэлийн 2023 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2023 оны хэрэгжилт, Монгол Улсын хөгжлийн 2023 оны төлөвлөгөөний гүйцэтгэлийн тайланг хэлэлцлээ. Хуулийн төсөлтэй холбоотой  гишүүд асуулт асууж, хариулт авав.

Зам, тээврийн хөгжлийн сайд С.Бямбацогт:-Х.Ганхуяг гишүүний асуултад хариулъя.  Автотээврийн үндэсний төв тусгай зөвшөөрөл нэмж гаргасан зүйл байхгүй. Зөвшөөрлийн тухай хуулийг би  2019 онд санаачилж,  2022 онд  батлагдсан.  1400 гаруй зөвшөөрөл өгдөг байсан одоо  370 орчим зөвшөөрөл өгдөг болсон.  УИХ-ын гишүүн Х.Ганхуяг  ажлын хэсгийн ахалж  сайн ажилласан. Бидний зорилго бол гарын үсгээр далимдуулж өөртөө эрх мэдэл  олж авдаг, түүгээрээ дамжуулж хүнд суртал  гаргадаг,  шан харамч авдаг тогтолцоог халах гэж Зөвшөөрлийн тухай хуулийг баталсан. УИХ-ын хийж баталсан шийдсэн томоохон  асуудал бол  Зөвшөөрлийн тухай хууль. Сумын Засаг даргаас эхлээд Засгийн газар хүртэл тусгай  зөвшөөрөл өгдөг, гарын үсгээ үнэлдэг байдлыг зогсоосон.Тийм болохоор манай салбарт шинээр  тусгай зөвшөөрөл бий болгосон  зүйл байхгүй. Аль болох өрсөлдөөн, хувийн хэвшлийг  дэмжих бодлого явуулж байгаа. УИХ-ын гишүүн Х.Ганхуягийн ярьж байгаа B зөвшөөрлийг улс хоорондын автобус тээвэрлэлтээр өгдөг. Өмнө өгдөг байсан зөвшөөрлийг одоо  өгч байгаа. Энэ зөвшөөрлийг хоёр  аж, ахуй нэгж авдаг байсан.    Зөвшөөрөл авах шаардлага нөхцөлийг өндөр болгосон байсан. 20-иос доошгүй автобус, 10-аас доошгүй жил ажилласан туршлагатай байх ёстой гэдгийг  босгыг намсгасан. Орон нутагт амьдарч байгааг иргэд автобусаар аялал жуулчлалын үйлчилгээ эрхлэх  боломжтой болгосон.  Өмнө нь давуу байдал олгодог байсныг халсан.

Эх сурвалж:www.polit.mn