С.САРУУЛ

АНУ-ын Төрийн нарийн бичгийн даргын орлогч Др.Курт Кэмпбэлл энэ оны гуравдугаар сарын 19-нөөс 23-ны хооронд Япон болон Монгол Улсад айлчилна. Уг айлчлал нь Др.Кэмпбэллийн хувьд Төрийн нарийн бичгийн даргын орлогчийн албаа аваад хийж буй анхных нь бөгөөд Энэтхэг-Номхон далай болон бусад улсад энх тайвныг урагшлуулахын төлөөх АНУ-ын хүчин чармайлтыг онцолж буй хэрэг юм.

Төрийн нарийн бичгийн даргын орлогч Токио хотод Засгийн газрын өндөр албан тушаалтнуудтай уулзаж, ирэх сард Япон Улсын Ерөнхий сайд Ф.Кишидагийн Вашингтонд хийх албан ёсны айлчлалын бэлтгэлийн талаар ярилцана. Орлогч Кэмпбэлл мөн чөлөөт, нээлттэй, холбогдсон, цэцэглэн хөгжсөн, уян хатан, аюулгүй Энэтхэг-Номхон далайн төлөөх гурван талт хамтын ажиллагааг гүнзгийрүүлэх уулзалтыг Япон болон Филиппиний түншүүдтэй хийнэ. Төрийн нарийн бичгийн даргын орлогч Кэмпбэлл Монгол Улсын өндөр дээд албан тушаалтнуудтай Улаанбаатар хотод уулзана. Тэрбээр АНУ болон Монгол Улсын стратегийн гуравдагч хөршийн түншлэлийг, мөн Америк-Монголын ард түмний тогтвортой найрамдалт харилцааг онцлон тэмдэглэх юм.

Эх сурвалж: www.polit.mn