Н.Жаргалмаа

Их-20-ийн бүлгийн тэргүүлэгч улс Бразилын нийслэл Рио-де-Жанейро хотод зохион байгуулагдаж буй гадаад хэргийн сайд нарын анхдугаар чуулга уулзалтын үеэр Өмнөд Солонгосын гадаад хэргийн сайд Чо Тэ Юл, Японы гадаад хэргийн сайд Ёко Камикава нар өнөөдөр уулзлаа.  

Өмнөд Солонгосын гадаад хэргийн сайд Чо Тэ Юл нь өнгөрсөн сард үүрэгт ажлаа хүлээн авсан юм. Хоёр улсын сайд нарын хувьд энэ удаагийн уулзалт анхны биечлэн уулзаж буй тохиолдол болж байна. Уулзалтын үеэр талууд Хойд Солонгостой холбоотой асуудлуудыг шийдвэрлэхийн тулд хамтын ажиллагаа үргэлжлүүлэхээр тохиролцсон хэмээн Япон улсын гадаад хэргийн яам өөрийн цахим хуудаснаа “Бүс нутгийн аюулгүй байдалд заналхийлсэн үйлдлээ үргэлжлүүлсээр байгаа Хойд Солонгосын талаар санал бодлоо солилцож, цаашид хамтран ажиллахаар санал нэгдлээ” хэмээн нийтэлжээ.

Япон улсын гадаад хэргийн сайд Ёко Камикава өнгөрсөн оноос эхлэн хоёр улсын харилцаанд чухал ахиц дэвшил гарсан хэмээн онцолж, хамтын ажиллагааг өргөжүүлэн, бүс нутгийн асуудлаар хоёр улсын уялдаа холбоог гүнзгийрүүлэхийг хүсэж байгаагаа илэрхийлжээ.

Мөн бүс нутгийн асуудлаар Япон улс хичээнгүйлэн ажиллаж байгаа билээ. Япон улсын ерөнхий сайд Кишида Фүмио, Хойд Солонгосын удирдагч Ким Жон Унтай дээд хэмжээний уулзалт зохион байгуулахаар төлөвлөж, цаашлаад Хойд Солонгостой дипломат харилцаа тогтооход анхааран ажиллаж байна.

Эх сурвалж: www.polit.mn