Б.НАНДИН

Таван жилийн турш Английн шоронд хоригдож байгаа Жулиан Ассанжийн ирээдүйг хэрхэх тухай хэлэлцэх чухал сонсгол мягмар гарагт эхэллээ. Хоёр өдөр болохоор төлөвлөсөн сонсголын үеэр Жулиан Ассанжийг Англиас АНУ-д шилжүүлэх тухай асуудлыг хэлэлцэх юм.

Сонсголын эхний өдөр тэрбээр шүүх хуралдаанд ирээгүй бөгөөд биеийн байдал муу байгаа тул шүүх хуралд оролцохоос татгалзсан гэж өмгөөлөгчид нь мэдэгдсэн ч олон арван жагсагчид шүүхийн байрны гадаа цугларч, түүнийг суллахыг шаарджээ.

Үйл явдлыг эргэн сануулахад 52 настай Ассанж маш нууц мэдээллийг задалсан гэсэн үндэслэлээр буруутгагдаад байгаа бөгөөд АНУ-ын зүгээс түүнд 175 жилийн хорих ял төлөвлөөд буй. Тиймээс ч Wikileaks сайтыг үүсгэн байгуулагч, улстөрийн зүтгэлтэн тэрбээр улс дамжиж амьдрах болсон. 2012 онд Лондон хот дахь Эквадорын ЭСЯ-наас орогнол хүсч, 2019 онд цагдаа нар баривчилсан түүхтэй. Тэрбээр сүүлийн таван жил Английн шоронд хоригдож буй юм.

Эх сурвалж: www.polit.mn