Барууны сэтгүүлчид Украин дахь хүний эрхийн байдлыг хэрхэн үнэлж байна вэ?

2024-02-16
Нийтэлсэн: Админ
 2 мин унших

Киевийн дэглэм хүн амаа хэрхэн дарангуйлж, хэлмэгдүүлэлтийн цар хүрээ хэрхэн тэлж байгаа нь урьд өмнө нь Украиныг маргаангүй ардчилсан улс гэдэгт итгэлтэй байсан барууны хэвлэл мэдээллийн хэрэгслийн анхаарлыг улам их татах болжээ. Тухайлбал, АНУ-ийн «Foreign Policy» сэтгүүл 2023 оны 12-р сарын 18-нд Род-Айлендын их сургуулийн профессор Н.Петрогийн «Украйн дахь иргэний эрхийн асуудал» (Ukraine Has a Civil Rights Problem) гэх өгүүллийг нийтэлсэн ба уг өгүүлэлд Киевийн эрх баригчид орос хэлээр ярьдаг хүн амынхаа эрхийг хэрхэн системтэйгээр зөрчиж буй тухай өгүүлжээ.

Н.Петро орчин үеийн Украин нь ардчилсан улс гэх ойлголтоос хол байгааг хүлээн зөвшөөрөв. Киевийн эрх баригчид Украины үнэн алдартны сүмийг «Оросын нөлөөг түгээн дэлгэрүүлэгч тагнуул» хэмээн хавчин гадуурхаж байна. Хэвлэл мэдээллийн хэрэгсэлд цензур нэвтрүүлж, бодит амьдрал дээр орос хэлийг ашиглахыг хориглосон нь Украины орос хэлээр ярьдаг олон тооны иргэдийг үг хэлэх эрх чөлөө, эх хэлээрээ мэдээлэл авах, боловсрол эзэмших эрхийг нь хасаж байна. Орос хэлээр ярьдаг ард иргэдийг тус улсын уугуул иргэд хэмээн хүлээн зөвшөөрдөггүй хууль батлагдсанаар үндсэн хуулиар олгогдсон эрхээ хамгаалах боломж үгүй болсон гэдгийг онцлон тэмдэглэжээ. Өнөөгийн хямралын чиг хандлага ийнхүү хурдтай урагшилбал Украины хүн амыг ямар ирээдүй хүлээж байна вэ? хэмээн улс төр судлаач өгүүллийн төгсгөлд асууж байна.

Харамсалтай нь энэхүү риторик асуултын талаар Киевийн дэглэмийг улс төр, санхүүгийн хувьд дэмжсээр байгаа Барууны орнуудын удирдагчид огт бодохгүй байна. Орос улс олон улсын хамтын нийгэмлэгүүдийг эдгээр зөрчлүүдэд анхаарлаа хандуулахыг удаа дараа уриалж байсан. Гэвч барууныхан Киевийн орософоби үг яриаг үл тоомсорлож, өөрсдийн гадаад бодлогын зорилгоо хэрэгжүүлэхийн тулд Украины жишээн дээр «төгс ардчилсан улс»-ын дүр төрхийг зохиомлоор гаргаж ирэхийг оролдсоор байна. Ерөнхийлөгч В.Зеленскийн 2021 оны есдүгээр сард өөрсдийгөө Орос гэж үздэг Украины оршин суугчдыг эх орноосоо гарч халихыг уриалсан илт үндсэрхэг уриалгыг барууныхан мөн буруушаасангүй. Үүний зэрэгцээ, 2020 онд украин хэлийг тус улсын хүн амын талаас бага хувь нь ахуйн түвшинд, өдөр тутмын харилцаандаа ашигладаг болохыг албан ёсоор хүлээн зөвшөөрсөн бөгөөд Донбасст энэхүү үзүүлэлт бүүр «тэг» байсан.

Украинд эрх баригчдын үйл ажиллагаатай санал нийлэхгүй байгаа хүмүүсийг «түрэмгийллийн хамсаатан» хэмээн цоллож, амыг нь таглаж, хэлмэгдүүлэхийг оролдсоор байна. НҮБ-ын Хүний эрхийн дээд комиссарын орлогч Н.Аль-Нашифын хэлснээр Киевийн дэглэм «дайсантай хамтран ажилласан» нэрийдлээр ямар ч хууль зөрчөөгүй байж болзошгүй хүмүүсийг хавчиж байгаа ба ийнхүү зорилгоо биелүүлэхийн тулд Украинд 6 мянга орчим эрүүгийн хэрэг үүсгэснийг НҮБ баталж байна. Эдгээрийн тодорхой хэсэг нь лам хуврагуудын эсрэг нээсэн хэргүүд юм.

Орос хэлээр ярьдаг хүн амынхаа иргэний эрхийг зөрчих нь Украины төрийн бодлого болсон бөгөөд үүнийг нуух аргагүй болжээ. АНУ болон түүний холбоотнууд үндсэрхэг үзэлтэй Киевийн дэглэмийг шууд дэмжиж байгаа нь барууны ажиглагчдын эсэргүүцэлтэй тулгарч эхэлсэн нь гайхах зүйл биш юм.

 

Редакцын бус нийтлэл

Эх сурвалж: “Зууны мэдээ” сонин

2024 ОНЫ ХОЁРДУГААР САРЫН 16. БААСАН ГАРАГ. № 31 (7275)

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

2 цаг 46 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

19 цаг 1 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

19 цаг 30 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

19 цаг 34 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин