XVII зууны сүүл XIX зууны эхэн  үеийн  Япон улсын бар зургийн  хамгийн алдартай  зураач бол  Кацусика Хокусай юм. Түүний бүтээлүүд  хүний өдөр тутмын амьдралаас  эхлээд  байгалийн гамшиг хүртэлх  ертөнцийн бүхий үзэгдлийг үзүүлсэн байдаг. 84 настайдаа Хокусай Токиогийн Сүмида дүүрэгт охин Оеигийн хамт амьдардаг байлаа. Түүний дадлагажигч Цуюуки Лицу бидэнд зураачийн амьдрал хэрхэн өрнөдөгийг харах боломж олгосон юм.
Энэ сутидид Лицу уран зургуудийнхаа анхны хувилбарыг туурвидаг.Энэ студид Хокусай дулаан хөнжлөөр бүтээсэн жижигхэн ширээндээ шигдээд уран зурагтаа бүхнээ зориулан асар их урам зоригтой ажилладаг юм. Охин нь түүнийг зургаа зурахыг нүд салгалгүй ажин сууна.Хокусайн гэрт зочилсон аав, охин хоёрт өрөөгөөр нэг тарсан хог огт саад болоогүй төдийгүй ийм эмх замбараагүй орчинд Хокусай гүн төвлөрч зургаа зурж байсан нь сонирхол татна.

П.АМГАЛАН

“Jenesys 2023” хөтөлбөрийн оролцогч 27 хүний бүрэлдэхүүнтэй баг  арванхоёрдугаар сарын 6-нд Япон улсыг зорьсон. Ийнхүү бидний хөтөлбөрийн  хугацаа дуусч, Япон улсын талаар олон зүйлийг үзэж, суралцан  ганзага дүүрэн эх орондоо ирсэн юм.  Өмнөх дугаартаа “Хамгийн олон доктортой Цүкүба хот”, Сүмида дүүргийн гар урлалын  урлантай танилцсан нь” нийтлэл, “Өвөрмөц ертөнцийг тодотгох  “Шинжлэх ухаан  ирээдүйн  музей”, Япон улсын Цүкүба сансарын  төвийн үзэсгэлэнгээс”  фото сурвалжлагаа цувралаар уншигчиддаа хүргэсэн билээ. Харин энэ удаа хэдэн арван жилийн өмнөх түүхийг өгүүлэх  гэрэл зураг, баримал үзэсгэлэнгээр зочилсноо хүргэе. Энэ бол “Сумида Хокусай” музей.  Тус музейн хаалгаар ороход өөр, өөр цаг үеийг хүүрнэх шиг сонирхолтой орчин угтав. Музейд дэх онцлох бүтээлийг хүргэж байна.

Эх сурвалж: "Зууны мэдээ" сонин