С.УЯНГА
Улс төр, шуурхай мэдээллийн www.polit.mn сайт “Polit” хуанли буланг өдөр бүр хөтлөн явуулж Монголын болон гадаадын онцлог эрхмүүдийн “Төрсөн өдөр”-ийг сануулдаг билээ. Өнөөдөр буюу нэгдүгээр сарын 18-нд төрсөн өдөр нь болж буй хүмүүсээс Үндэсний өдөр тутмын “Зууны мэдээ” сонины Соёл, спор танин мэдэхүйн албаны дарга Ч.Гантулгыг онцолж байна.
СОЁЛ, УРЛАГААР МЭРГЭШСЭН ХОВОР СЭТГҮҮЛЧДИЙН НЭГ
Ч.Гантулга “Зууны мэдээ” сонинд арав гаруй жил ажиллаж байгаа туршлагатай сэтгүүлч. Тэрдундаа соёл урлагийн чиглэлээр мэргэшиж, сонирхолтой, даацтай нийтлэл, сурвалжилга, ярилцлага хүргэдэг гэдгийг уншигчид автороор нь андахгүй. Монголын хэвлэл мэдээлэл, өдөр тутмын сонинд ажиллаж буй сэтгүүлчид соёл, урлагийн чиглэлээр мэргэшиж тууштай, сонирхолтой бичих нь ховордож буй энэ цаг үед соёлын салбараар мэргэшсэн цөөн сэтгүүлчдийн нэг нь Ч.Гантулга юм. Тиймдээ ч сониндоо энэ чиглэлээр сонирхолтой материалуудыг бэлтгэн хүргэсээр байна.
“Зууны мэдээ” сонин уншигчдын сонирхлыг татсан бүтээлүүдийг “Амьдралын тойрог”, “Leaderships forum”, “Удмын бахархал”, “Трэнд зочин”, “Төрийн хишигтэн”, “Нэгдүгээр хүн”, “Төрийн хүн” тогтмол булангуудаар хүргэдэг. Эдгээр буланг бэлтгэдэг гол авторуудын нэг нь Ч.Гантулга юм.
“ЗУУНЫ МЭДЭЭ” СОНИНЫ 2023 ОНЫ ШИЛДЭГ НИЙТЛЭЛЧ
Ч.Гантулга “Зууны мэдээ” сонины шилдэг сэтгүүлчдийн нэг. Тэрбээр өнгөрсөн жил буюу 2023 онд “Зууны мэдээ” сонины шилдгийн шилдэг сэтгүүлч, нийтлэлчдийн нэгээр шалгарсан. Мөн МСНЭ-ийн Хэвлэл мэдээллийн тэргүүний ажилтан цол тэмдгээр энгэрээ мялаасан “Ган үзэгтэн”.
Тухайлбал, Ч.Гантулга 2023 онд “Театрын урлагийн арын албаныхан дутмаг байгааг хөндөж, конструктор зураач нэхэж, төрөөс бодлого “гуйсан” долоон цуврал, “Өв соёл-Эх хэлний дархлаа болоод үндэсний цөөнхүүдийн хэл соёл, үндсэн алга, мартагдаж, устах аюулд хүрсэн тухай эх хэлний дархлааны эрэлд гарсан долоон цуврал, “Ээжүүд зүгээр суудаггүй: Хүүхдээ харангаа гэрээрээ гар урлал хийж, өөрийгөө хөгжүүлж буй ээжүүдийг алдаршуулсан найман хөрөг нийтлэл” ээрээ сониныхоо шилдэг сэтгүүлчийн нэгээр шалгарчээ.
Эх сурвалж: www.polit.mn