Ирэх арван жилд долларын их наядтан төрнө гэв

2024-01-18
Нийтэлсэн: Админ
 2 мин унших

Базарбямбын НЯМСҮРЭН

Жил бүрийн эхэнд Давосын Эдийн засгийн чуулгантай зэрэгцэн зарлагддаг томоохон мэдээллийн нэг нь дэлхийн хамгийн баян хүмүүсийн шинэчилсэн жагсаалт байдаг. АНУ-ын Oxfam байгууллагаас хөрөнгө чинээгээрээ тэргүүлэгчдийн жагсаалтыг “Форбс” сэтгүүлийн мэдээлэл дээр үндэслэн гаргаснаа тайлагнасан байна. Тэд ядуурал, тэгш бус байдлыг арилгах зорилгоор жил бүр энэ мэдээллийг олон нийтэд дэлгэн танилцуулдаг уламжлалтай.

Тайланг гаргахдаа бодит байдалд нийцүүлэх үүднээс инфляцийг мөн тооцдог аж.

Энэ жилийн нэг онцлог нь баян хүмүүсийн хөрөнгө орлогын харьцуулалтыг цар тахлын өмнөх үетэй харьцуулан гаргажээ. Учир нь дэлхий нийтээр гурван жил үргэлжилсэн цар тахлын улмаас дэлхийн эдийн засгийн байдал огцом өсөлтгүй, удаашралтай байгаа юм.  Дэлхийн хамгийн чинээлэг таван хүний хөрөнгө 2020 оноос хойш хоёр дахин өсөж, нийтдээ 869 тэрбум долларт хүрсэн нь инфляцыг тооцсон дүнгээр 114 хувиар өссөн дүн ажээ.

Өнгөрсөн жилд хөрөнгө нь хамгийн их нэмэгдсэн хүнээр Элон Маскийг нэрлэсэн байна. Цахилгаан машины акул “Тесла”-гийн эзэн, Х платформын гол хувь эзэмшигч, Space X-ийн үүсгэн байгуулагч түүний хөрөнгө өнгөрсөн арваннэгдүгээр саын байдлаар 245 тэрбум ам.долларт хүрсэн нь цар тахлын өмнөх үетэй харьцуулахад 7,3 дахин өссөн үзүүлэлт болж байна. Мөн Францын тансаг зэрэглэлийн LV брэндийн толгой компани болох “LVMH”-ийн эзэн Бернар Арно болон түүний гэр бүлийн хөрөнгө 111 хувиар өсөж, 191.3 тэрбум ам.долларт хүрчээ. Харин дэлхийн хамгийн баян хүний эхний гуравд байнга багтдаг “Amazon” компанийг үүсгэн байгуулагч Жефф Безосын хөрөнгө 24 хувиар өссөн бол “Oracle” компанийг үүсгэн байгуулагч Ларри Эллисоны хөрөнгө 107 хувиар өсч, 145.5 тэрбум ам.доллар болжээ.

Харин туршлагатай хөрөнгө оруулагч, олон жилийн турш Билл Гэйтстэй “үзүүр, түрүү” булаалдсан Уоррен Баффетийн хөрөнгө 119.2 тэрбум ам.долларт хүрсэн нь 46 хувийн өсөлттэй байлаа.

Тайланг гаргасан Oxfam байгууллагын Арьсны өнгөөр ялгаварлан гадуурхахтай тэмцэх асуудал эрхэлсэн захирал Набил Ахмед “Тэгш бус байдал нэмэгдэж байгаа ч нөгөө талд эерэг талууд ажиглагдаж байна. Ажилчдын ажиллах орчин сайжирч, цалин орлого нэмэгдсээр байгаа нь сайшаалтай” хэмээн ярьжээ. Тайланд дурдсанаар, дэлхийн баячуудын хөрөнгө орлогын байдал энэ байдлаар үргэлжилбэл, ирэх арван жилд дэлхийн анхны долларын их наядтан төрөн гарахаар байгааг онцолжээ. Мөн үүний эсрэг талд дэлхийн таван тэрбум хүн инфляц, дайн, уур амьсгалын хямралын улмаас улам бүр ядуурсаар байгаа нь сэтгэл зовнисон асуудлын нэг юм. Энэ янзаар үргэлжилбэл ядуурлыг арилгахад 230 орчим жил шаардлагатай гэж уг тайланд дурджээ.

Эх сурвалж: “Зууны мэдээ” сонин

2024 ОНЫ НЭГДҮГЭЭР САРЫН 18. ПҮРЭВ ГАРАГ. № 12 (7256)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

2 цаг 46 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

19 цаг 1 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

19 цаг 31 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

19 цаг 35 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин