Б.АЛТАНГЭРЭЛ

“Polit” хуанли: “Төрсөн өдөр” буландаа нэгдүгээр сарын 17-нд төрсөн өдөр нь тохиож буй эрхмүүдийн нэг болох Америкийн инээдмийн кино дэлгэцийн нэрт жүжигчин Жим Керрийг онцолж байна. Тэрбээр өнөөдөр 62 нас хүрч байна. 

“ГРИНЧ ЗУЛ САРЫГ ХУЛГАЙЛСАН НЬ”

Алтан бөмбөрцөг наадмын хоёр удаагийн шагналт, Канад гаралтай Америк жүжигчин Жим Керри бол Холливудын томоохон кино оддын нэг хэмээн үнэллэгддэг. Дахин давтагдашгүй жүжиглэлт, бусдыг хөгжөөсөн гайхалтай чадвараараа инээдмийн кино сонирхогчдын хайртай жүжигчин билээ. Лос Анжелест ирээд зарлагдсан кино бүрийн дүрийн сонгон шалгаруулалтад алгасалгүй оролцож, тэр хооронд тааралдсан ажлаа хийж амь зогоодог байж. Ингэж явсаар нэгэн кинонд анх удаа гол дүр бүтээх болсон нь 1994 онд хямд өртгөөр бүтсэн “Эйс Вентура” кино байв. Энэ киноны Эйсийн дүр нь түүнийг алдрын замд хөтөлсөн гэж хэлж болно.

Тэрбээр хүнд хэцүү амьдралаас өөрийнхөө авьяас хүчээр алдарт хүрсэн нэгэн юм. Зул сарын баяр бүрээр дэлгэцнээ гардаг “Гринч зул сарыг хулгайлсан нь” хэмээх кино нь үзэгчдийг байлдан дагуулдаг юм.

ТҮҮНИЙ УРАН БҮТЭЭЛИЙН АМЖИЛТААС...

“The Mask” кино нь түүний тоглосон хамгийн алдартай кино юм. Уг кино нь 23 сая ам.долларын хөрөнгөөр бүтэж “Box Office”-ийн зах зээлд 351.583.407 ам.долларын ашиг олжээ. Брюс”, “Далан худалч”, “Тэнэг, тэнэгийн туйл хоёр”, “Труманы шоу”, “Сарны хүн” зэрэг маш олон киноны гол дүрийг бүтээснээс гадна “Гринч: Зул сарыг хулгайлсан нь”, “Хортон”, “Зул сарын магтуу” зэрэг бяцхан үзэгчдийн шимтэн үздэг хүүхэлдэйн кинонуудад дуу оруулжээ. Сүүлийн үед нам жимхэн амьдарч байгаа жүжигчин маань уран зураг, тэр дундаа шог зургийн салбарт хүч сорих болсон байна. Тэрбээр ихэвчлэн улс төрийн сэдвүүдийг хөндөн зурдаг бөгөөд нийгэм улс төрийн болж бүтэхгүй талыг харуулсан түүний зураг зарим нэг албан тушаалтнуудын дургүйг хүргэдэг гэнэ.

Эх сурвалж: www.polit.mn