П.АМГАЛАН

УИХ-ын нэгдсэн  хуралдаан үргэлжилж байна. Хуралдааны хэлэлцэх асуудалтай холбогдуулан гишүүд байр сууриа илэрхийллээ.

УИХ-ын гишүүн Ш.Адьшаа:

УИХ-ын гишүүний хууль санаачлах бүрэн эрхийн хүрээнд  иргэдээс худалдаж авсан 1072 хувьцааг буцаан олгуулах тухай тогтоолын төслийг УИХ-д өргөн  бариад нэг жил гаруйн хугацаа өнгөрч байна.  Эдийн засгийн байнгын хороогоор хэлэлцээд 54 хонолоо.  Гэтэл яагаад УИХ- аар хэлэлцүүлж болохгүй байгаа юм бол. Хэдхэн хоногийг өмнө өргөн барьсан зарим хууль тогтоомж, цахилгаан шатаар явдаг. Харин цөөнхийн бүлгийн, түүнтэй ижил үзэл баримтлалтай хууль  тогтоолын төсөл өргөн барихаар УИХ-д гацаад байна. Тиймээс   сая гаруй иргэний 1072  хувьцааг буцаан олгох тухай асуудлыг хэлэлцэх хэрэгтэй. Юун нь болох  байгаа юм. Сөрөг хүчний гишүүн өргөн барихаар хэлэлцдэггүй, эрх  баригчдын засгийн газар өргөн барихаар нэн даруй  хэлэлцдэг байж болохгүй.  Хамтын шийдвэр гаргадаг,олонхынхоо гаргасан саналыг хэлэлцэж шийдэх нь парламентын засаглалын хэлбэрээр бид 30 гаруй жил явсан. Гэтэл юунаас айгаад байгаа юм. Иргэдийнхээ мэдээлэлгүй, хөрөнгө мөнгөний дутагдалтай ашиглаж 2012, 2016 оны сонгуулийн өмнө тухайн үед эрх барьж  байсан  улс төрийн хүчин  иргэдийнхээ хувьцааг сонгуульд өгөх зорилгоор хулгайлж авсан.  Энэ байдлаа засмаар байна. Ногдол ашгаа суутгаад бүх иргэнээ  өмч хөрөнгөтэй болгохыг хүссэн.

Эх сурвалж:www.polit.mn