“Polit” хуанли: “Төрсөн өдөр” буландаа нэгдүгээр сарын 7-нд төрсөн эрхмүүдийн нэг болох арбитрч, физикийн ухааны доктор Н.Тэгшбаярыг онцоллоо.  Тэрбээр 1978 оны энэ өдөр Увс аймгийн Өмнөговь суманд төржээ. Физикч Н.Тэгшбаярын хувьд Монгол Улсад цөмийн энерги гэх ойлголтыг бий болгож энэ чиглэлийн харилцааг хөгжүүлэхэд онцгой үүрэг гүйцэтгэсэн хэмээн мэргэжилтнүүд дүгнэдэг.  Мөн ураны чиглэлийн судалгааг хийж, өөрийн цахим хуудсаар дамжуулан шинжлэх ухааны сонирхолтой бичлэгүүдийг олон нийтэд хүргэж байгаа билээ. 

Ураны сэдвээр доктор хамгаалсан физикч

• 1995 онд Увс аймгийн Өмнөговь сумын ЕБС
• 1999 онд МУИС-д Физикийн бакалавр
• 2007 онд МУИС-д Физикийн ухааны магистр
•  2020 онд МУИС-д Физикийн ухааны доктор
• 2022 онд  ХУИС -Билиг дээд сургуульд эрхзүйн бакалаврын зэрэг эзэмшсэн байна.  Мөн Н.Тэгшбаяр нь докторын ажлаа “Монгол орны ундны усан дахь ураны судалгаа” сэдвээр хамгаалсан нь анхаарал татаж байна. 

Физикч Н.Тэгшбаяр нь “Мон Атом” төрийн өмчит хувьцаат компанийн дэд захирал, Цөмийн    энергийн газрын дарга, Олон Улсын Атомын энергийн агентлагийн  Монгол Улс дахь бүрэн эрхт төлөөлөгч,  “Геологийн Төв Лаборатори” ТӨҮГ-ын захирал,  ШУА-ийн Физик технологийн хүрээлэн, “Усны судалгаа, үнэлгээний хүрээлэнд эрдэм шинжилгээний ажилтан, ТУЗ-ийн гишүүнээр ажиллаж байсан туршлагатай. Мөн МҮХАҮТ-ын дэргэдэх Монголын Олон Улсын Арбитрт Арбитрчаар  ажиллаж байна.

Түүний төрсөн өдрийн бэлэг

Тэрбээр төрсөн өдрөөрөө өөрийн цахим хуудаснаа “Төрсөн өдрийн мэнд хүргэсэнд маш их баярлалаа. Та гайхамшигтай.  Сайхан Монгол орноо хамтдаа шинжлэх ухаанчаар хөгжүүлцгээе. Төрсөн өдрийн бэлэг болгон өөрийн зүгээс танд зориулж сүүлийн нэг жилд долоо хоног бүр тасралтгүй бэлдсэн 44 ширхэг “Шинжлэх ухааны хялбаршуулсан видео нийтлэлийн линкийг илгээж байна. Гэрийнхэндээ үзүүлээрэй” гэлээ. Мөн тэрбээр энэ онд цуврал бичлэгээ 55 болгохоор зорьжээ.   Түүний цахим хуудаснаас “Нойр яагаад чухал бэ? Тархи, суралцах процесс, нойр 3-н хамаарал”, “Марсыг хэрхэн Дэлхий шиг болгох вэ”, “Галаар үлээгч ба гагнуур үүсэл гарал”, Дрон хэрхэн ажилладаг вэ” гэсэн шинжлэх ухааны 44  бичлэгийг үзэж болох юм.  Норовын Тэгшбаяр танд төрсөн өдрийн мэнд хүргэе.

https://www.facebook.com/n.tegshbayar 

Эх сурвалж:www.polit.mn