Төрийн тэргүүнүүд шинэ оны босгон дээр юу хэлэв?

2024-01-05
Нийтэлсэн: Админ
 4 мин унших

Базарбямбын НЯМСҮРЭН

 

Грегорийн тооллын нэгэн он солигдож, дэлхий нийт он цагийн шинэ хуудсыг эхлүүлээд хэдхэн хонож байна. Шинэ оны босгон дээр улс орны тэргүүн нар ард иргэддээ хандан өнгөрсөн оны алдаа оноогоо дүгнэн ирэх оны зорилгоо тодорхойлон үгээ хэлдэг  уламжлалтай. 2024 оныг угтахдаа улс орны удирдагчид юуг онцолсон талаар энэ удаагийн олон улсын тоймоороо хүргэж байна.

 

Ж.Байден: Сонгуулиар эргэн ирэхдээ итгэлтэй байна

АНУ-ын ерөнхийлөгч Ж.Байден шинэ оныг гэр бүлийн уламжлалын дагуу Виржиний мужийн St Croix дахь эдлэндээ амралтын байдалтай угтсан байна. Тиймээс ABC телевизэд өгсөн түүний ярилцлагаас ирэх оны өнгийг хэрхэн харж байгааг нь үзэгчид хүлээн авав. Тэрбээр ярилцлагын үеэр АНУ-ын дотоодын асуудал, үнэт зүйлсийн талаар голчлон онцолж, эв нэгдэл, ардчиллын үзэл санааг тодотгож байлаа. Мөн “Бид дэлхийд тэргүүлэх байр суурьтай хэвээрээ байгаа” хэмээн ард түмэндээ хандан хэлжээ. Харин ирэх 11 дүгээр сард болох сонгуулийн өнгийг ихэд өөдрөгөөр харж байгаагаа дурдаад “Эргэн ирэхдээ итгэлтэй байна” хэмээжээ.

 

Ши Жиньпин: Олон улсын арга хэмжээнд анхаарал хандуулна

2024 оны шинэ оны мэндчилгээ дэвшүүлэхдээ БНХАУ-ын дарга улс орныхоо өнөөгийн байдлын талаар иж бүрэн танилцуулж, өнгөрсөн жилийн сорилт бэрхшээл, ололт амжилтыг тусгаж, ирээдүйн хэтийн төлөвийг тодорхойлсон байна. 2024 оны илтгэлийн нэлээд хэсэг нь Хятад улсын технологи, инновацийн ололт амжилтад зориулагдсан байлаа. Мөн  олон улсын тавцан дахь Хятадын гүйцэтгэх үүргийг багагүй онцолжээ. Тус улсын төрийн тэргүүн энэ онд болох олон төрлийн дипломат арга хэмжээ, олон улсын хамтын ажиллагааны форумыг дурдаж, Хятад улс идэвхтэй оролцохыг илэрхийлсэн байна.

 

В.Путин: “2024 он гэр бүлийн жил”

ОХУ-ын ерөнхийлөгч В.Путин ням гаригт шинэ оны өмнөх өдөр төв телевизээр үг хэлэхдээ Оросын армийг магтаж, "эв нэгдлийг" уриалав. "Та нар бидний баатрууд. Бидний зүрх сэтгэл үргэлж хамт байх болно” хэмээн өөдрөгөөр уриалжээ. 

Өнгөрсөн жил В.Путины дэргэд дүрэмт хувцастай цэргүүд зогсож байсан бол энэ жил Кремлийн уламжлалт фонны өмнө зогсож мэндчилэхдээ 2024 оныг “Гэр бүлийн жил” хэмээн тодорхойлов. Дашрамд дурдахад, төв телевизээр ард олондоо мэндчилгээ дэвшүүлдэг уламжлалыг ЗХУ-ын үед Л.Брежнев эхлүүлсэн бөгөөд шинэ жилийн өмнө телевизээр ард түмэндээ хандаж хэлсэн үгийг оросууд баярын өдөр тэсэн ядан хүлээдэг гол үйл явдал юм.

 

Э.Макрон: Бахархлын жил байх болно

Францын Ерөнхийлөгч Эммануэль Макрон шинэ жилийн баярын өмнөхөн телевизээр үг хэлэхдээ 2024 он бол Парист 2024 оны зуны олимпийн наадам болох гэж буйд баяртай байгаагаа онцолсон. Мөн Парисын дарь эхийн сүм түймэрт өртсөнөөс хойш энэ онд анх удаа олон нийтэд үүдээ нээх болсон тухай баяртай мэдээг дуулгалаа. Тэрбээр 2024 оныг "Францын бахархлын жил байх болно” гэв.

 

Ф.Кишида: Дипломат байдлаараа манлайлна

Шинэ оны эхний өдөр байгалийн хүнд сорилттой нүүр тулаад байгаа Япон улсын Ерөнхий сайд Фумио Кишида дэлхийн бусад удирдагчидтай дипломат харилцаанд ихээхэн анхаарал хандуулдаг нэгэн. Тэрбээр шинэ жилийн мэндчилгээндээ дэлхий дахинаа үүсээд буй зөрчил мөргөлдөөнийг намжаахын тулд дээд хэмжээний дипломат уулзалт явуулах зорилготой байгаагаа илэрхийлсэн юм.  Олон улсын харилцаанд төвийг сахихыг эрмэлздэг тус улсын тэргүүн энэхүү зорилгоо "Япон улс дипломат байдлаараа манлайлах болно” хэмээн онцоллоо.

 

Эх сурвалж: “Зууны мэдээ” сонин

2024 ОНЫ НЭГДҮГЭЭР САРЫН 5. БААСАН ГАРАГ. № 3 (7247)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

2 цаг 46 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

19 цаг 1 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

19 цаг 30 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

19 цаг 34 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин