• Зууны мэдээ сонин онлайн захиалга

Ц.Сандаг-Очир: Архи эсвэл айраг уугаад согтсон уу гэдгийг ялгах боломжгүй учраас хариуцлага хүлээлгэнэ

П.АМГАЛАН

УИХ-ын гишүүн Ц.Сандаг-Очир:

-УИХ-ын Ц.Даваасүрэнгийн саналтай холбогдуулж тайлбар хэлье. Согтуугар тээврийн хэрэгсэл жолоодож яваад хүний амь нас, эд  хөрөнгөөрөө хохирох асуудал гэмт хэрэг зөрчил буурахгүй байна. Тэр дундаа бага насны  хүүхэд согтуугаар тээврийн хэрэгсэл жолоодсоны улмаас амь насаа алдах эрсдэл тохиолдож байгаа учраас хариуцлагыг чангатгахаар Эрүүгийн хуулийн нэмэлт  өөрчлөлтийг оруулж ирсэн. Согтуугаар тээврийн хэрэгсэл жолоодож яваад зөрчил, гэмт хэрэг гаргасан тохиолдолд Эрүүгийн хуулиар хорих шийтгэл оногдуулахаар өргөн барьсан хуульд орж ирсэн.  Хэлэлцүүлэг, Байнгын хороо, ажлын хэсэг дээр уг асуудлыг хэлэлцэж хэт чангаруулсан  байна.  Тиймээс эхний удаа  зөрчил гаргасан тохиолдолд жолоодох эрхийг нь 1-6 жилээр хасах, эсвэл 7-30 хоног баривчилъя гэж байгаа. Харин хоёр дахь тохиолдолд Эрүүгийн хуулиар хорих шийтгэл оногдуулдаг байя гэсэн.

Архи эсвэл айраг уугаад согтуурсан гэдгийг ялгах боломжгүй. Согтуурсан бол хариуцлага хүлээнэ. Цусан дахь спиртийн агууламж болоод амьсгал дахь спиртийн агууламжийг тогтоохыг Эрүүгийн хуульд олон улсын стандартаар тусгасан.

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
Ddavaa
Airbag uusan bol urid ni ch hariutslaga uleelgedeg l baisan biz dee Sereenen ch