Н.Жаргалмаа

Дэлхийн дундаж хэм нэмэгдсэнтэй холбоотойгоор Эквадорт ган ганчиг үргэлжилж улмаар эрчим хүч тасалдах эрсдэлд хүрчээ. Иймээс үүссэн нөхцөл байдлыг харгалзан үзэж Колумби улс хөрш Эквадорт газрын гүний дулааны эрчим хүч нийлүүлэхээр болсон гэдгийг хоёр улсын ерөнхийлөгч бямба гарагт мэдэгдлээ.

Эквадорын ерөнхийлөгч Гильермо Лассо “Усан цахилгаан станцын алдагдлаас үүдэн 650 мегаваттын алдагдалд хүрсэн. Сүүлийн 50 жилд тохиолдоогүй ган ганчиг нүүрлэж байгаа энэ үед Колумби улс 450 мегаватт эрчим хүчийг нийлүүлэхээр боллоо. Ингэснээр үүссэн алдагдлыг нөхөхөд том тус болж байна” гэжээ.  Тус нийлүүлэлтийг цахилгаан тасалдах хамгийн өндөр эрсдэлтэй арваннэг, арванхоёдугаар сард хийх ажээ. Колумбийн ерөнхийлөгч Густаво Петро хэвлэлийн хурлын үеэр “Бид нийлүүлэлтийг хамгийн богино хугацаанд гүйцэтгэж, цахилгаан тасрах эрсдэлээс хамгаалж Эквадорын эрчим хүчний хэрэгцээний алдагдлыг нөхөх болно” гэж хэлжээ.

Эх сурвалж: www.polit.mn