П.АМГАЛАН

“Хөгжлийн төлөө  барилгачдын нэгдэл” ТББ-аас цаг үеийн асуудлаар мэдээлэл хийлээ. Учир нь төрийн захиалгаар  нийгэм ахуйн барилга барьж буй компаниуд  2009 оноос хойш нэмэгдээгүй  цалингийн тарифыг  нэмэгдүүлэх болон бусад  тулгамдсан асуудлыг  шийдвэрлүүлэхийг шаардаж  Ерөнхий сайд Л.Оюун-Эрдэнэтэй уулзах болсон тухай ярилаа. Энэ үеэр  тус ТББ-ын ТУЗ-ийн дарга Ч.Наранбаатар “Өнөөдөр УИХ-ын чуулганы хуралдаанаар Монгол Улсын 2024 оны төсөв хэлэлцэж эхэлсэнтэй холбоотой Ерөнхий сайдад шаардлага хүргүүлэх гэж байна. Учир нь Засгийн газрын  2023 оны наймдугаар сарын 9-нд  төсөв хүрэлцээгүй байгаа  барилгууд дээр магадлал хийх тогтоол гарсан.  Гэсэн ч энэ ажлыг сүүлийн хоёр сар хийгээгүй. Өнөөдөр улсын төсвийн хөрөнгө оруулалтаар барьж байгаа 600 орчим барилга царцсан байдалтай ажил нь явагдахгүй байгаа. Учир нь хуучин төсөвтэй учраас цалингийн тариф нь 2009 оныхоор буюу 19,300 төгрөг байна.  Гэтэл өнөөдөр зах зээл бодит цалин 100 мянган төгрөг.  Ингэхээр ямар ч барилга баригдах боломжгүй  болж байна. Тиймээс энэ асуудлыг шийдэж өгөхийг хүсэж байна.  Хэрэв 2024 оны улсын төсвөөр энэ асуудал шийдэгдэхгүй өнгөрвөл ирэх жилүүдэд эдгээр 600 орчим барилга баригдах боломжгүй нөхцөл байдал үүснэ” гэлээ.

Эх сурвалж:www.polit.mn