П.АМГАЛАН

АН-ын бүлгийн дарга О.Цогтгэрэл цар тахлын үеийн орлого, зарлагыг ил болгох ерөнхий хяналтын сонсголын асуудлаар мэдээлэл хийлээ. Тэрбээр “Зургадугаар сарын 27-нд  Эдийн засгийн байнгын хорооноос цар тахлын  үеийн эдийн засгийн нөхцөл байдал, зарцуулсан төсөв, хүний  эрхийн асуудал зэрэг  олон чиглэлээр Монгол Улсад шинэ хууль гарч, үүнтэй холбоотой их мөнгөн дүн бүхий гэрээ хэлэлцэлүүд хийгдсэн.  Цар тахлын үеийн нөхцөл байдлаар  УИХ дээр нээлттэй сонсгол явуулахыг  УИХ-ын бүлэг, аль эсвэл УИХ-ын есөөс дээш гишүүн нээлттэй сонсгол явуулах санал гаргаж, УИХ-аас зохион байгуулах ёстой. Тэгээд таван гишүүнтэй ажлын хэсэг байгуулагдсан. Засгийн газар болон, УИХ-ын харьяа 18  байгууллага руу 23 албан бичиг явуулж  цар тахлын үеийн нөхцөл байдалтай холбоотой материал хүссэн. Гэтэл албан ёсны материал өгөхгүй, эх сурвалжгүйгээр сонсгол хийсэн нэр зүүх эрсдэл үүсч байгаа тул сонсголын товыг хойшлуулж, иргэдийн мэдэх эрхийг хангах ёстой гэсэн байр суурьтай байна гэсэн юм. Өнгөрсөн долоо хоногт шинжээч томилуулах гэсэн Байнгын хорооны ирц хүрээгүй шалтгаанаар хуралдаагүй” гэсэн юм. Цар тахлын үеийн нөхцөл байдлын тухай  сонсголыг  чанартай болох нөхцөлийг хангаж өгөхийн тулд шинжээч томилж өгөхийг хүслээ.

Эх сурвалж:www.polit.mn