П.АМГАЛАН

ХНХ-ын Дэд сайд С.Зулпхар ХБХХЕГ-ын удирдлагууд  Дорнод аймгаас 670 км замыг тэргэнцэртэй туулж, Улаанбаатар хотод ирсэн Дорнод аймгийн Хөгжлийн бэрхшээлтэй иргэдийн холбооны тэргүүн Д.Батхуяг болон түүний багийг хүлээн авч уулзлаа. “Хөгжлийн бэрхшээлтэй иргэдийн дуу хоолойг шийдвэр гаргах түвшинд хүргэж шийдвэрлүүлэх, эрхийг нь бодит болгоё” уриан дор таван хүний бүрэлдэхүүнтэй баг "Тэргэнцэртэй марафон" аяллаа энэ сарын 10-нд эхлүүлсэн юм.  Тэд уулзалтын үеэр тусгай хэрэгцээт иргэдэд тулгамдаж буй хэд хэдэн асуудлаа танилцуулсан юм. Жишээлбэл, Орон нутагт хууль эрх зүйн талаарх мэдлэг ойлголт өгөх сургалт арга хэмжээ, нөлөөллийн ажил зохион байгуулах, аймаг дүүргүүдээс гадна сум, багийн хөгжлийн бэрхшээлтэй хүмүүсийн оролцоог хангах.  ХБХХЕГ-т Хөгжлийн бэрхшээлтэй хүний спорт, урлагийн асуудал хариуцсан мэргэжилтэн, газар нэгжтэй болгох, аөдөө орон нутагт ажлын байрыг нэмэгдүүлэх, хөдөлмөрийн тухай хуулийн 144 дүгээр зүйлийн хэрэгжилтийг эрчимжүүлэхийг хүсэв. Түүнчлэн урлаг, спортоор хичээллэдэг хүмүүсийг Олон улсын тэмцээн уралдаанд явахад нь дэмжлэг үзүүлэх, дасгал сургуулилт хийх, хичээллэх боломжоор хангах, орон нутгийн ТББ-ыг чадавхжуулах зэрэг асуудлыг хөндлөө.

Эх сурвалж:www.polit.mn