П.АМГАЛАН
Гэгээн Ширээт Улсын Төрийн тэргүүн Пап Францис болон түүний айлчлалын баг Чингис хаан олон улсын нисэх буудалд газардлаа. Түүнийг Гадаад харилцааны сайд Б.Батцэцэг тэргүүтэй хүмүүс угтаж авав. Айлчлалын хүрээнд Гэгээн Ширээт Улсын албаны хүмүүс, 150 орчим гадаадын хэвлэл мэдээллийн ажилтнууд хүрэлцэн ирлээ. Пап Францис Монгол Улсын Ерөнхийлөгч Ухнаагийн Хүрэлсүхийн урилгаар манай улсад есдүгээр сарын 4-ний өдрийг хүртэл төрийн айлчлал хийх юм.
Пап Францисын товч намтарыг танилцуулж байна.
2013 оны 3 дугаар сарын 13-нд 266 дахь Пап-аар сонгогдсон. Тэрээр Европ бус тивээс болон Иезуитын нийгэмлэгээс сонгогдсон анхны Пап болсон. Сонгогдохоос өмнө Хорхе Марио Берголио нэртэй байсан.
Төрсөн огноо: 1936 оны 12 дугаар сарын 17, итали цагаачийн гэр бүлд
төрсөн.
Төрсөн газар: Аргентин Улс, Буэнос Айрес хот
Эзэмшсэн боловсрол:
1986 ХБНГУ-ын Франкфурт хотын Гүн ухаан, шашны номлол
судлалын Ариун Жоржийн Их сургуульд докторын зэрэг
1970 – 1971 Испани Улсын Алкала дэ Энаресын Их сургуульд эрдмийн
зэрэг
1967 – 1970 Сан Хосегийн коллежид Шашны номлол судлалын эрдмийн
зэрэг
1963 Сан Мигель хотын Сан Хосегийн коллежид Гүн ухааны лиценциатын зэрэг
1958 – 1960 Чили Улсад хүмүүнлэгийн чиглэлээр суралцсан
1955 – 1958 Буэнос Айрес хотын католик шашны Вилья-Девото сургуулийг дүүргэсэн
Буэнос Айрес хотын Аж үйлдвэр, техникийн 27 дугаар дунд
сургуулийг химийн технологич мэргэжлээр төгссөн
Ажилласан байдал:
2013 оны 3 дугаар сарын 13-нд 266 дахь Пап-аар сонгогдсон
2001 – 2013 Гэгээн Ширээт Улсын кардиналаар томилогдож, Санваартны
асуудал хариуцсан яам, Зан үйл ёслолын асуудал хариуцсан
яам, Католик шашны байгууллагуудын асуудал хариуцсан
яаманд тус тус ажилласан
1998 – 2001 Буэнос Айресын тэргүүн хамба
1992 – 1998 Буэнос Айресын хамба
1986 – 1992 Аргентины Кордода хотын тэргүүн хамбын газарт санваартан
1980 – 1986 Сан Хосегийн коллежийн ректор
1973 – 1979 Аргентин дахь Иезутын нийгэмлэгийн тэргүүн
1969 – 1973 Аргентин дахь Иезутын нийгэмлэгт ажилласан
1969 Сахил хүртсэн
1964 – 1966 Санта Фе, Буэнос Айрес хотын католик шашны коллежид утга зохиол, сэтгэл судлалын багш
1958 Есүсийн нийгэмлэг буюу Иезутын нийгэмлэгт элссэн
Испани, итали, герман хэлтэй.
Эх сурвалж:www.polit.mn