Н.Жаргалмаа

АНУ Афганистанаас цэргийн хүчээ эргүүлэн татсаны дараа Талибанчууд засгийн эрхээ буцаан авсан. Үүний  дараагаар эмэгтэйчүүдийн байдал улам хурцдах болжээ. Тодруулбал, охид, эмэгтэйчүүдийг сургуульд явахыг хориглож, гэрээсээ 72 км-ээс хол зайд явахдаа гэр бүлийнхэээрэгтэй гишүүнтэй хамт явах зэрэг шаардлагыг тавьжээ. Үүнийг гадны улс орнууд буруушааж буйгаа илэрхийлж, хүний эрхийн идвэхтнүүд эсэргүүцсээр байна. Гэвч нөхцөл байдал хэвээр үргэлжилсээр байгаа ажээ.

Талибанчууд үсчин, гоо сайхны газруудын үйл ажиллагааг зогсоохыг шаардаж буй тухай ВВС агентлаг мэдээлжээ. Тэд ихэнхдээ хана, гадна талбай дахь охид, эмэгтэйчүүдийн зурагтай самбаруудыг будгаар шүршин нүүрээ ил гаргахгүй байхыг хатуу сануулсаар байв. Нэрээ нууцлахыг хүссэн нэгэн эмэгтэй “Эмэгтэйчүүдийг боловсрол эзэмших, хамгийн энгийн үйлчилгээ авахыг ч хориглож байна. Энэ бол үнэхээр хүнд нөхцөл” гэсэн байна. Түүнчлэн нэг өглөө сэрэхэд л бүх газрууд хаагдсан байгааг харах маш аймшигтай байсан тухай эмэгтэйчүүд ярьжээ.