“Төрсөн өдрийн мэнд хүргэе, ноён Бан Ги Мун

2023-06-13
Нийтэлсэн: Админ
 2 мин унших

Базарбямбын НЯМСҮРЭН

НҮБ-ын Ерөнхий нарийн бичгийн дарга асан ноён Бан Ги Муныг монголчууд андахгүй. Тэрбээр өнөөдөр, маргааш хоёр өдөр Улаанбаатарт зохион байгуулагдах “Алтай дамнасан тогтвортой байдлын яриа хэлэлцээ-Жендерийн эрх тэгш байдал ба тогтвортой хөгжил” чуулга уулзалтад оролцохоор манай улсад хүрэлцэн ирээд байгаа юм. Сонирхолтой нь яг энэ өдөр тэрбээр 79 нас хүрч байна.

НҮБ-ын найм дахь Ерөнхий нарийн бичгийн дарга бөгөөд түүний талаарх найман баримтыг уншигчдадаа бэлтгэлээ. 

 

1.1944 оны зургадугаар сарын 13-нд Имсэй мужид төржээ. Зургаан хүүхэдтэй айлын том хүү тэрбээр дайны жилүүдэд боловсрол эзэмшихийн төлөө хүнд замыг туулжээ.

 

2.18 настайдаа дунд сургуулийн сурагчдын дунд зохион байгуулдаг уралдаанд түрүүлснийхээ шагналд АНУ-ын Ерөнхийлөгч Жон Кеннидитэй уулзаж байсан нь түүнд маш том урам зориг өгч байжээ.

 

3.Жон Кеннидитэй 18 настайдаа уулзсан хүү хожим түүний нэрээр нэрлэгдсэн Харвардын Жон Кеннедийн нэрэмжит сургуульд суралцаж, Төрийн удирдлагаар магистрын зэргээ амжилттай хамгаалжээ.

 

4.Тэрбээр НҮБ-ын найм дахь Ерөнхий нарийн бичгийн дарга бөгөөд 2007-2016 онд НҮБ-ыг тэргүүлж байсан юм. 1975 онд Сөүл дэх ГХЯ-ны НҮБ-ын хэлтсийн ажилтан болсноор НҮБ дэх ажлын гараагаа эхэлсэн. Тэрбээр “Би дайны үед өссөн. Дайны хүнд хэцүү цаг үед НҮБ манай улсад маш их тусламж, дэмжлэг үзүүлдэг байсан нь надад ирээдүйд энд ажиллах урам өгсөн” хэмээн дурссан байдаг. Тэрбээр 2007-2016 онд ажиллах хугацаандаа Цөмийн зэвсгийг дэлгэрүүлэхийн эсрэг хатуу байр суурьтай байв. Бан Ги Мун НҮБ-ыг даргалсан хугацаанд хэт ядуурал, хүүхдийн эндэгдэл буурч, охидын боловсрол эзэмших боломж нэмэгдсэн гэдэг. Түүнчлэн уур амьсгалын өөрчлөлтийн эсрэг Парисын тунхагийг баталсан нь хүлэмжийн хийг бууруулах тэмцэлд маш том хувь нэмэр болжээ. Тэрбээр Ерөнхий нарийн бичгийн даргаар ажиллаж байх хугацаандаа НҮБ-ын Эмэгтэйчүүдийн байгууллагыг санаачлан байгуулж байжээ. Түүнийг НҮБ-ыг удирдаж байх хугацаанд Сирийн иргэний дайн, Арабын хавар зэрэг дэлхий нийтийг донсолгосон томоохон үйл явдлууд болж байв.

 

5.Бан Ги Мун нь манай улсад дөрөв дэх удаа зочилж байна. 2006 онд БНСУ-ын Гадаад хэргийн сайдаар ажиллаж байхдаа анх Монгол Улсад айлчилж байв. Түүнээс хойш  НҮБ-ын Ерөнхий нарийн бичгийн даргын албыг хашиж байхдаа буюу  2009, 2019 онуудад  манай улсад айлчилж байв.

 

6.НҮБ-ын тэргүүнээр ажиллахаасаа өмнө тэрбээр БНСУ-ын Гадаад хэрэг, худалдааны сайд, Ерөнхийлөгчийн гадаад бодлогын зөвлөх, Бодлого төлөвлөлтийн асуудал эрхэлсэн орлогч сайд, Гадаад хэргийн сайдын тусгай зөвлөх, Америкийн газрын ерөнхий захирал, НҮБ-ын Вена дахь Байнгын төлөөлөгч, Элчин сайд зэрэг албыг хашиж байв. Мөн тэрбээр 2017 оноос Олон улсын олимпийн холбооны Ёс зүйн хорооны даргаар ажиллах болжээ.

 

7.2017 онд тэрбээр өөрийн нэрээр нэрлэгдсэн “Бан Ги Мун” санг байгуулсан. “Дэлхийн иргэний төлөө” уриатай энэхүү байгууллага нь НҮБ-ын Тогтвортой хөгжлийн зорилтыг хэрэгжүүлэх зорилготой бөгөөд, байгаль орчин, уур амьсгалын өөрчлөлт, ядуурал, хүүхэд, эмэгтэйчүүдийн асуудалд онцгой анхаарал хандуулдаг.

 

8.Тэрбээр ахлах сургуульд байхдаа буюу 1962 онд гэргий Ю Сүнь Дэгтэй танилцжээ. 1971 онд гэрлэлтээ батлуулсан тэд нэг хүү, хоёр охинтой.

Эх сурвалж: “Зууны мэдээ” сонин

2023.6.13 МЯГМАР № 116 (7101)

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

3 цаг 10 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

19 цаг 25 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

19 цаг 55 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

19 цаг 59 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин