Т.САЙХАН

Украины ерөнхийлөгч Зеленский энэ сарын 20-нд Японд болж буй "Их-7"-ийн дээд хэмжээний уулзалтад хүрэлцэн очжээ. Тэрбээр Саудын Арабт саатсаныхаа дараа Францын засгийн газрын онгоцоор Хирошимад ирсэн байна. "Их-7"-ийн хэлэлцэх асуудлын нэгдүгээрт Украины дайн байгаа тул Зеленский ийнхүү хүрэлцэн ирэхэд нөлөөлжээ.

Зеленский дэлхийн бусад удирдагчтай мөр зэрэгцэн зогссоноор ОХУ-аар зогсохгүй тэдний холбоотон Хятадад ч мессеж хүргэлээ хэмээн судлаачид үзэж байна. Тэд Бээжингийн өдөөн хатгалгад өртсөн Зүүн өмнөд Ази, Номхон далайн орнуудыг дэмжиж байгаагаа онцолжээ. Түүнчлэн худалдааг ашиглан бусад улс орныг дээрэлхэхийн эсрэг байр суурьтай байгаагаа илэрхийлээд Хятадыг олон улсын дүрмээр тоглохыг уриалав.

Эх сурвалж:www.polit.mn