Б.ДОЛЖИНЖАВ

Монголын залуучуудын холбооны ерөнхийлөгч асан О.Гэрэлт-Од цаг үеийн асуудлаар өнөөдөр “Үндэсний мэдээллийн төв”-д мэдээлэл хийлээ.

Тэрбээр “Монгол Улс түүхэндээ хоёр удаа үндэсний хэмжээний ногоон байгууламжийн бүтээн байгуулалт хийжээ.Үүний нэг нь Үндэсний соёл амралтын хүрээлэн буюу Хүүхдийн парк юм. Гэтэл “Бодь групп” тэргүүтэй хэд хэдэн компани нэгдээд хашаа босгоод паркыг байхгүй болгочихсон. Үндэсний соёл амралтын хүрээлэнн 2005 онд нийслэлийн ИТХ-ын шийдвэрээр хамтарсан ХХК болгож өөрчилсөн.Тухайн үед хотын даргаар М.Энхболд ажиллаж байсан.Яг энэ замнал үндэсний цэцэрлэгт хүрээлэн дээр хэрэгжих гэж байна. “Таван богд” группийн захирал Ц.Баатарсайханыг нийслэлийн ногоон байгууламжийн 23 хувийг эзэлдэг Үндэсний цэцэрлэгт хүрээлэнгээс хол бай гэж хэлмээр байна.Хүүхдүүдээ жилийн дөрвөн улиралд салхилуулдаг газар нь цэцэрлэгт хүрээлэн. Гэтэл энэ газар худалдаа наймааны газар барихаар болсон байна. “Таван богд” групп 2018 оноос дүүрэг бүрт хандсан ч нэг нь ч газар өгөөгүй гэж цахим хуудаснаа бичсэн байна.Тиймээс дүүргүүдэд хандсан бичиг, хариуг нь хамтад нь олон нийтэд дэлгэх хэрэгтэй. “Таван богд” групп нийгмийн хариуцлагынхаа хүрээнд гэр хорооллын хүүхэд залуучууд руу чиглэсэн ажил хийж соёлыг түгээгээсэй.Парк 1965 онд 37 га газартай байсан бол Үндэсний цэцэрлэгт хүрээлэн 975 га газарт ногоон байгууламжийн газрыг амжилттай байгуулсан. Яг энэ хэвээр нь үлдээмээр байна.Үр хүүхэд, улс орноо бодож байгаа бол үндэсний хэмжээний хоёр цэцэрлэгт хүрээлэнгээ хуучин хэвээр нь үлдээх үйлсэд нэгдээсэй гэж хүсч байна.Хэрэв Үндэсний цэцэрлэгт хүрээлэнд бүтээн байгуулалтын ажил эхэлвэл бид эсэргүүцэн жагсана” гэж ярилаа.

Эх сурвалж:www.polit.mn