Б.ДОЛЖИНЖАВ

Хэн нэгэн уран бүтээлчийг олны танил болоод алдартай хэмээн “цоллох” амархан. Дууг нь хэдэн сая хүн сонсож, цомог нь хэдэн хувь борлуулагдсан хийгээд тоглосон кино нь хэр амжилттай явж байгаагаар нэр хүндийг нь хэмжиж болдог. Харин хэн нь хамгийн шилдэг нь вэ гэдгийг тодорхойлох хялбар зүйл биш. Бас хамгийн их маргаан дагуулдаг сэдэв мөн.

Тэгвэл дуучин, ая зохиогч "The Weeknd"-ийг дэлхийн хамгийн алдартай уран бүтээлчээр зарлалалаа. Дэлхийн дээд амжилтыг тогтоодог “Guinness World Records” статистик мэдээлэлд үндэслэн Канадын дуучин "The Weeknd"-ийг манай гарагийн хамгийн алдартай уран бүтээлчээр тодруулсан байна.

Ийн 33 насандаа "The Weeknd" Геннисийн номонд бичигдэж дэлхийн урлагийн түүхэнд цоо шинэ хуудас нэмж чадлаа. Тэрбээр одоогоор “Spotify” дээр 111 сая сонсогчтой байгаа амжилтаараа сард 100 сая сонсогчийг татаж чадсан анхны уран бүтээлч болж дээд амжилт тогтоосон байна.

Түүний дараа хоёрдугаарт 82 сая сонсогчтойгоор Майли Сайрус, 81 сая сонсогчтой Шакира, 80 сая сонсогчтой Ариана Гранде, Тайлор Свифт, Рианна нар жагсжээ.

 Эх сурвалж:CNN