Францчуудын жагсаал ажил хаялт болж өргөжлөө

2023-03-27
Нийтэлсэн: Админ
 2 мин унших

Б.НАНДИН

 

 

Э.Макрон цагнаасаа болж дахин шүүмжлүүлэв

 

Францын Ерөнхийлөгч Э.Макрон ширүүхэн асуудалтай тулаад байгаа. Тэрээр өнгөрсөн долоо хоногт хийсэн тэтгэврийн шинэчлэлтийн хүрээнд тэтгэвэрт гарах насыг 62 байсныг 64 болгон өсгөж байгаагаа мэдэгдсэн нь олон нийтэд таалагдаагүй. Тиймээс ч парламентаар хэлэлцээгүй шийдвэр гаргасанд нь дургүйцсэн францчууд өнгөрсөн пүрэв гарагаас эхлэн жагсах болсон юм. Нийтдээ сая гаруй иргэд жагсаалд оролцсон гэсэн мэдээлэл бий. Харин зарим эх сурвалж гудамжинд гарч эсэргүүцсэн хүмүүсийн тоо аль хэдий нь гурван саяд хүрсэн хэмээн мэдээлж байлаа. 

Пүрэв гарагт эхэлсэн эсэргүүцлийн жагсаал баасан гарагт ажил хаялт болон өргөжсөн юм. Энэхүү ажил хаялтад найман томоохон үйлдвэрчний эвлэл оролцсон байна. Бага сургууль, цэцэрлэгийн багш нараас гадна нефть боловсруулах үйлдвэрийн ажилчид, дулааны болон цөмийн цахилгаан станцын ажилчдын 75 хувь нь оролцжээ. Ажил хаялтын улмаас автобус галт тэрэг, метро зэрэг нийтийн тээврийн үйл ажиллагаа зогсжээ. Ирэх мягмар гарагт дараагийн томоохон эсэргүүцлийн арга хэмжээ болохоор төлөвлөсөн гэж хэвлэлүүд мэдээлж эхэлсэн байна.

Францын төрийн тэргүүн иргэдийнхээ гудамжин дахь эсэргүүцлээс гадна телевизийн нэвтрүүлэгт оролцох үеэрээ зүүсэн цагнаасаа болж мөн шүүмжлүүлээд эхэлжээ. Тэрээр саяхны оролцсон телевизийн нэвтрүүлгийн үеэр зүүсэн цагаа тайлж нуусныг гярхай үзэгчид олж мэджээ. Иргэд нь улс орны хэмжээнд үймээнтэй байхад тансаг зэрэглэлийн эд зүйлээ гайхууллаа хэмээн дургүйцэж буй юм. Зарим хүмүүс түүнийг 80 мянган еврогийн цаг зүүсэн байсан гэжээ. Харин Элисейн ордноос гаргасан мэдэгдэлд “Макрон өөрийн хувийн таних тэмдгийг нэмж оруулсан Bell & Ross фирмийн BR V1-92 загварын цаг зүүсэн. Тэр энэ цагийг сүүлийн жил хагасын хугацаанд зүүж байгаа” гэжээ. Энэхүү цаг нь дунджаар 1,660-3,300 еврогийн үнэтэй байдаг аж.

 

Хааны айлчлал хойшлов

 

Их Британийн хаан ширээнд залраад удаагүй байгаа III Чарьлз, хатан Камиллагийн хамт анхны гадаад айлчлалаа Франц улсаас эхлүүлэхээр шийдээд байсан. Харин Францад болж буй үймээний улмаас энэхүү айлчлал тодорхойгүй хугацаагаар хойшилжээ.

Букингемийн ордноос хийсэн мэдэгдэлд “Францын Ерөнхийлөгч Э.Макрон Чарьлз хаантай утсаар ярьсны дараа энэхүү шийдвэр гарсан. Хоёр улс олон жилийн найрсаг харилцаатай учир хаан айлчлах тохиромжтой цаг үе ирэхийг тэсэн ядан хүлээж байна” хэмээн онцолсон байна. III Чарьлз хаан Франц улсад хийх айлчлалаараа Орсейн музей үзэж, Ялалтын хаалганы дэргэд ёслолын арга хэмжээнд оролцож, Версалийн ордонд хүндэтгэлийн зоог барихаар төлөвлөж байсан ч ийнхүү тодорхой бус хугацаагаар хойшлоод байна.

Эх сурвалж: “Зууны мэдээ” сонин

2023 ОНЫ ГУРАВДУГААР САРЫН 27. ДАВАА ГАРАГ. № 61 (7046)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

3 цаг 16 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

19 цаг 31 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

20 цаг 1 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

20 цаг 5 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин