Д.ДАРАМБАЗАР
АНУ-ын Дейтон хотын дарга Жеффрей Ж.Мимс "Dayton Flyers" багийн тоглогч Mike Sharavjamts буюу Ш.Энхийн-Одод зориулж ирэх баасан гаргийг "Монголын өдөр" болгохоор зарласныг DaytonDailyNews мэдээллийн сайт мэдээллээ. АНУ-ын коллежийн сагсан бөмбөгийн нэгдүгээр зиндаанд тоглож буй анхны Монгол тоглогч Ш.Энхийн-Од улирал эхэлснээс хойш бүх тоглолтод оролцсон "Dayton Flyers"-ийн тоглогч. Тэрбээр “25 удаа тоглохдоо 20-д нь гараанд гарч, нэг тоглолтод дунджаар 5.9 оноо, 79 удаа оновчтой дамжуулалт өгснөөр багаа тэргүүлж байна” гэжээ.
Сан Франциско хот дахь Монголын консулын газрын консул П.Баярмагнай Ш.Энхийн-Одын тухай "Тэр бол Охайо муж төдийгүй АНУ-д монголыг төлөөлж буй элч. Өөрийн амжилтаар залууст үлгэр дуурайл болж байгаа түүний төлөө бид бүгд баярлаж байна" хэмээжээ. Дейтон хотын "Монголын өдөр"-өөр Охайо муж дахь нийгмийн эрүүл мэндийн төлөөх ТББ "CareSource"-ын ивээн тэтгэлэгтэйгээр арга хэмжээ зохионо. Өдрийн 14-16 цагийн хооронд Pamela Morris Center-т Монголын соёл уламжлалын талаар танин мэдүүлэх өдөрлөг болох юм.
Эх сурвалж: www.polit.mn
